Toshkent shahrida 9-may kuni bir guruh shaxslar “Birodarlar qabristoni”da O‘zbekiston SSR bayrog‘i ostida yurish qildi. Bu haqda Telegram’dagi “Effekt Makarenko” kanalida xabar qilindi.
“Kecha Bratskidagi (Toshkentdagi ‘Birodarlar qabristoni’) karnavalda jiddiylik bilan ‘o‘rtoq Stalinga ura!’ deb qichqirgan holda O‘zbekiston SSR bayrog‘i ostida yurish qilishdi. Qodiriy, Fitrat va boshqa minglab yurtdoshlarimizning qotili uchun urami?
Men milliy xavfsizlik uchun mas‘ul bo‘lganlarga eslatib o‘tmoqchimanki, Ukrainadagi urush me’morlaridan biri, rus millatchisi Igor Girkin (Strelkov) va uning butun kampaniyasi dastlab shunday rekonstruktorlar bo‘lgan va avvaliga tarixiy liboslar va o‘yinchoq qurollar bilan shahar ko‘chalarida yurish qilgan. Keyin esa ular qo‘llariga haqiqiy qurollarni olishdi.
Xalq ta’limi vaziri Hilola Umarova esa maktab direktorlarini qattiqroq nazorat qilib, ayrim o‘quvchilarning (!) Sovet harbiy kiyimlarini kiyib yurishiga, maktablarni rus qotillari va fashistlari timsoli – Georgiy lentalari bilan bezashiga to‘sqinlik qilishi kerak edi.
Faqat bir narsa quvontiradi — Stalinning ashaddiy muxlislari u qadar ko‘p to‘plangani yo‘q”, — deyiladi postda.
Mazkur holat yuzasidan “Daryo” muxbiri Toshkent shahar hokimligi axborot xizmati bilan bog‘landi.
“Ommaviy tadbirlar o‘tkazishga ruxsat berish shahar hokimligida emas. Yuqoridagi holat bo‘yicha Toshkent shahar hokimligiga ruxsat berishni so‘rab ariza kelib tushmagan”, — dedi poytaxt hokimligi axborot xizmati rahbari.
Ichki ishlar vazirligi axborot xizmati rahbari Shohrux G‘iyosovning aytishicha, bunday tadbirlarni o‘tkazish uchun hokimiyatga murojaat qilishadi, Milliy gvardiya va ichki ishlar organlari natijasi bo‘yicha jamoat xavfsizligini taʼminlashga jalb etiladi.
Mazkur yurishdan Toshkent shahar IIBB qanchalik xabardorligini aniqlash maqsadida bosh boshqarma axborot xizmati bilan bog‘langanimizda, holatni o‘rganib javob berishini aytdi.
Vazirlar Mahkamasining “Ommaviy tadbirlarni tashkil etish va o‘tkazish tartibini yanada takomillashtirish chora-tadbirlari to‘g‘risida”gi qaroriga muvofiq, ommaviy tadbirni o‘tkazish uchun ruxsatnomalar Vazirlar Mahkamasi qarori bilan belgilangan tartibda maxsus elektron axborot tizimi orqali berilishi qayd etilgan.
“Daryo” muxbiri “Birodarlar qabristoni”da o‘tkazilgan ommaviy tadbir uchun ruxsatnoma olingani yoki olinmagani yuzasidan Vazirlar Mahkamasining axborot xizmati bilan bog‘lanib, izoh so‘radi. Mahkama vakili holatni o‘rganib, qo‘shimcha maʼlumot berishini aytdi.
Maʼlumot uchun, Maʼmuriy javobgarlik to‘g‘risidagi kodeksning 201-moddasi “Yig‘ilishlar, mitinglar, ko‘cha yurishlari yoki namoyishlar uyushtirish, o‘tkazish tartibini buzish”, 202-moddasi esa “Ruxsat etilmagan yig‘ilishlar, mitinglar, ko‘cha yurishlari va namoyishlar o‘tkazish uchun sharoitlar yaratish” haqida.
Ma’muriy javobgarlik to‘g‘risidagi kodeksning 201-moddasi “Yig‘ilishlar, mitinglar, ko‘cha yurishlari yoki namoyishlar uyushtirish, o‘tkazish tartibini buzish”, 202-moddasi esa “Ruxsat etilmagan yig‘ilishlar, mitinglar, ko‘cha yurishlari va namoyishlar o‘tkazish uchun sharoitlar yaratish” haqida. Jinoyat kodeksining 217-moddasida esa shu turdagi huquqbuzarlik uchun jinoiy javobgarlik belgilangan.zarlik uchun jinoiy javobgarlik belgilangan.
Izoh (0)