Жиззахда аёл аввал 1 ёшли боласини ўлдириб, сўнг ўз жонига қасд қилди. Бу ҳақда вилоят Оила ва хотин-қизлар бошқармаси хабар қилди.
Маълум қилинишича, 6 май куни соат 12:40 ларда, ИИБ “102” тизимига “Раваллиқ” МФЙ Хасанкал қишлоғида яшовчи, 1998 йилда туғилган уй бекаси Ш.Х. яшаш уйи ҳовлисида жойлашган ҳожатхонасига ўзини осиб, ўз жонига қасд қилгани ҳақида хабар келиб тушган.
Шундан сўнг воқеа жойи кўздан кечирилганда, ушбу хонадонда аёлнинг 2022 йилда туғилган фарзанди А.О.нинг қорин соҳасига икки марта ошхона пичоғи билан санчилган жароҳатлари билан жасади топилган. Суриштирув жараёнида Ш.Х. фарзанди А.О.ни ўлдириб, сўнг ўзини осиб ўлдиргани маълум бўлган.
Оила ва хотин-қизлар бошқармаси хонадонда бўлиб, ўтказган ўрганишга кўра, аёл шу манзилда яшовчи турмуш ўртоғи Ш.Н.га (1988 йилда туғилган) қўнғироқ қилиб, ўзини осиб жонига қасд қилаётганини маълум қилган. Эр шу маҳаллада яшовчи амакисига қўнғироқ қилиб, бу ҳақда хабар берган. Амакисига унинг уйига етиб борганида аёл ҳожатхонада ўзини осиб бўлганига гувоҳ бўлган.
Қайд этилишича, ҳозирда ҳолат юзасидан ИИБ ҳамда Оила ва хотин-қизлар бошқармаси ўрганиш ишларини давом эттирмоқда.
Изоҳ (0)