Adliya vazirligi jamoatchilik bilan aloqalar bo‘limi xodimi qamoqqa olingani haqida xabar berilgan edi. Advokat Abdumalik Abdullayev xodim ozod etilganini maʼlum qildi.
Unga ko‘ra, 2023-yil 3-may kuni sayyor qabulda mojaroli holat kuzatilib, Bosh prokuror o‘rinbosari Svetlana Ortiqova Bosh prokuror Nig‘matilla Yo‘ldoshev bilan uchrashmoqchi bo‘lgan ayol va uning qaynotasini rahbarining qabuliga o‘tkazishni istamaslikda ifodalangan harakati ijtimoiy tarmoqlarda eʼtirozlarga sabab bo‘ldi.
Jinoyat ishlari bo‘yicha Yashnobod tuman sudining 2023-yil 4-maydagi ajrimiga asosan, ayolning turmush o‘rtog‘i, ushbu advokatning himoyasida bo‘lgan Husan Ravshanovni qamoqqa olish ehtiyot chorasi o‘zgartirilib, 1-sonli tergov hibsxonasidan ozod etildi.
Adliya vazirligining jamoatchilik bilan aloqalar bo‘limi sobiq bosh maslahatchisi Husan Ravshanov 2023-yil 3-fevral kuni JPKning 227-moddasi tartibida ushlanib, unga nisbatan 5-fevral kuni qamoqqa olish ehtiyot chorasi qo‘llanilgan edi.
“Yashnobod tuman sudining sudyasi jinoyat ishini sudda ko‘rish uchun tayinlash haqida ajrim chiqarish vaqtida JPK 396-moddasiga muvofiq ayblanuvchiga nisbatan ehtiyot chorasi noto‘g‘ri tanlangan, degan to‘xtamga kelib ehtiyot chorasini o‘zgartirish haqida ajrim chiqardi”, — deydi advokat.
Izoh (1)
Qoyil