Buyuk Britaniya Mudofaa vazirligi Rossiya so‘nggi o‘n yilliklardagi eng katta ishchi kuchi tanqisligiga duch kelayotganini ma’lum qildi.
Ma’lum qilinishicha, Rossiya Markaziy banki 14 ming ish beruvchini o‘rganib chiqqan va bo‘sh ish o‘rinlari soni 1998-yildan beri eng past darajada ekanini aniqlagan. So‘nggi uch yil ichida Rossiya aholisi COVID-19 ta’siri va Ukrainaga qarshi urush tufayli kutilganidan ikki millionga ko‘proq kamaydi.
2022-yilda Rossiyani 1,3 milliongacha odam tark etgan, jumladan, ular orasida muhim sohalarda ishlaydigan ko‘plab yoshlar va yaxshi ma’lumotli odamlar bo‘lgan.
Rossiya Aloqa vazirligi 2022-yilda IT sohasi xodimlarining taxminan 10 foizi (100 ming kishi) mamlakatni tark etgani va qaytib kelmaganini ma’lum qildi.
“Mobilizatsiya, tarixan yuqori emigratsiya, aholining qarishi va kamayishi ishchi kuchini kamaytiradi. Bu, ehtimol, Rossiya iqtisodiyotining potensial o‘sishiga ta’sir o‘tkazib, inflyatsiya xavfini keltirib chiqaradi”, — deyiladi hisobotda.
Izoh (0)