Hindiston shimoli-sharqidagi Manipur shtatida yuz bergan etnik to‘qnashuvlarda 54 kishi halok bo‘ldi, 150 dan ortiq odam jarohatlandi. Bu haqda BBC xabar berdi.
Mahalliy qabila guruhi noroziligi etnik zo‘ravonlikka aylanib ketganidan so‘ng Manipur shtatiga minglab askar yuborilgan. Rasmiylar hududga qo‘shin yuborganiga qaramay, yangi zo‘ravonlik harakatlari sodir bo‘lgan. Hukumat tartibsizliklarni jilovlash uchun internetni ham o‘chirib qo‘ygan va “o‘ta og‘ir holatlar”da” qurol ishlatishga buyruq bergan.
Mahalliy politsiya zo‘ravonlik avj olganidan keyin vaziyat keskinligicha qolayotganini aytmoqda.
Ta’kidlanishicha, to‘qnashuvlar 5-may kuni boshlangan. Bunga meytey qabilasidan bo‘lgan muhojirlarning Manipurda “ro‘yxatga olingan kasta” maqomini olishi talabi sabab bo‘lgan, bu ularga ko‘proq imtiyozlar beradi.
Mahalliy aholi — kukilar buni adolatsizlik deb hisoblab, norozilik bildira boshlagan va “qabilalar birdamlik marshi”ni o‘tkazgan. Shundan so‘ng to‘qnashuvlar boshlangan. Meyteylar hindular bo‘lib, mahalliy aholining xristian cherkovlariga bostirib kirgan va pogromlar uyushtirgan. Cherkov rahbarlari federal hokimiyatdan yordam so‘ragan.
To‘qnashuvlar sodir bo‘lgan hududlarda nazorat punktlari o‘rnatilgan. Mudofaa vazirligi vakilining aytishicha, harbiylar tomonidan to‘qnash kelgan hududlardan jami 13 ming kishi evakuatsiya qilingan.
Izoh (0)