Футзал бўйича Ўзбекистон миллий терма жамоаси сентябрь ойидаги ўқув-йиғин машғулотларини Тошкентда ўтказади.
Йиғин давомида Баҳодир Аҳмедов мураббийлиги остидаги терма жамоа Аргентина вакилларига қарши иккита ўртоқлик учрашувини ўтказиши режа қилинган. Бу ҳақида ЎФА матбуот хизмати маълум қилди. Баҳслар 14 ва 15 сентябрь кунлари бўлиб ўтади.
Эслатиб ўтамиз, Ўзбекистонлик футзалчилар аввалроқ Беларусга қарши иккита ўртоқлик ўйини ўтказиб, уларда мағлубиятга учраганди (1:3, 4:7). Шунингдек, март ойида Бразилия билан ҳам икки марта ўртоқлик ўйинида майдонга тушиб, иккаласида ҳам имкониятни бой берганди (0:5, 0:4). Апрель ойида эса Эронга қарши икки ўртоқлик ўйинида 3:5 ва 1:8 ҳисобларида мағлуб бўлганди.
Изоҳ (0)