Instagram: Durdona Qurbonova turmushga chiqmoqda, Rashid Xoliqovning dabdabali tug‘ilgan kuni, orzusi amalga oshgan Husnora Shodiyeva

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Ijtimoiy tarmoqlarda xonanda Dildora Niyozovaning turmush o‘rtog‘i bilan ajrashayotgani va hashamatli uyini sotuvga qo‘ygani haqida xabarlar tarqaldi. Xonanda bu haqdagi ma’lumotlar xato ekanini, turmush o‘rtog‘i bilan o‘rtasida biroz kelishmovchilik bo‘lgani haqida gapirib berdi. 

Aktrisa Durdona Qurbonova turmushga chiqayotganini ma’lum qildi.

Xonanda Sherzod Ergashev Jim Kerri bosh rolni o‘ynagan “Niqob” filmining musiqasini o‘zbek milliy cholg’ularida ijro etdi.

Xonanda, instabloger yana bir orzusi amalga oshganini, shu paytga qadar 25 ta davlatga borgani haqida muxlislariga gapirib berdi. 

Instabloger Feruza Normatova Madina shahridagi arxiv videosini muxlislariga taqdim etdi. 

“Sog‘intirding-ku, Madina... O‘sha yerlardan qaytgach bir narsani — shu kungacha hech kimni va hech qayerni senchalik sog‘inmaganimni angladim... Intilsam, faqat senga intildim, namozlar qazo bo‘lmaydigan shahar, ruhim taskin topgan makon”, — deydi aktrisa. 

Xonanda Lola Parijda tushgan suratini e’lon qildi va bu shaharning nafosat, go‘zallik, moda shahri ekani haqida obunachilariga so‘zlab berdi.

Xalq ardog‘idagi aktrisa Saida Rametova Umra safaridan qaytdi. Shuningdek Saida Rametova onasidan duo olgani aks etgan videoni sahifasiga joyladi.

Umidaxon muxlislariga yangi obrazida ko‘rinish berdi. 

Ra’no Shodiyeva turmush o‘rtog‘i bilan Istanbulda tushgan videosini sahifasiga joyladi. 

Aktrisa, dizayner Shahzoda Muhammedova qizalog‘i Milana bilan tushgan suratini obunachilariga taqdim etdi. 

Xonanda Jaloliddin Ahmadaliyev tez kunda yangi taronasini muxlislariga taqdim etishini ma’lum qildi.

Turk aktrisasi Eda Eje turmush o‘rtog‘i bilan tushgan suratini folloverlariga taqdim etdi. 

Aktrisa Halima Ibragimova haqiqatni gapiruvchi insonlar hech kimga yoqmasligi, yolg‘onchi insonlarni yomon ko‘rishi haqida gapirib berdi.

Instabloger Maryam Tillayeva buvisi Tatyana Karimova bilan tushgan suratini obunachilariga ko‘rsatdi.

O‘zbekistonda xizmat ko‘rsatgan artist Rashid Xoliqov 50 yoshni qarshi oldi. Uning tug‘ilgan kunida o‘zbek shou-biznesining ko‘plab taniqli vakillari ishtirok etdi.

“Bravo” kulgi jamoasi a’zosi Shahlo Zoirova farzandlari bilan tushgan suratini sahifasiga joyladi. 

Xonanda Munisa Rizayeva stilisti bilan tushgan videosini obunachilariga namoyish qildi.