Gollivud aktyori Mettyu Makkonaxi ijtimoiy tarmoqlarda 4,5 ming dollardan sotilayotgan shaxsiy rivojlanish kurslari sababli tanqidga uchradi.
Qimmat kurs 24-aprel kuni Makkonaxi bilan bir necha soat davom etgan bepul vebinarda e’lon qilindi. Tadbirni 2,4 milliondan ortiq tomoshabin ko‘rdi, deyiladi xabarda.
Vebinar davomida Makkonaxi bongo zarbli asbobini chalgan va o‘z-o‘zini rivojlantirish, dangasa bo‘lmaslik va inson o‘ziga to‘g‘ri savol berishi kerakligi bo‘yicha odatiy maslahatlarni taqdim etgan. Shuningdek, aktyor sharhlovchilarning kursga qo‘shilishga qaror qilish sabablarini ham o‘qib chiqqan.
Vebinar davomida Makkonaxiga motivatsion ma’ruzachi Toni Robbins va biznes murabbiy Din Gratsiosi qo‘shilgan.Tabloid nashri bergan ma’lumotlarga ko‘ra, ular insonlarga “to‘liq quvvat bilan davolanishga” yordam beradigan ikki oylik aktyorlik kursining narxi 4,5 ming dollarga teng ekanini e’lon qilgan. Biroq vebinarga tashrif buyuruvchilar uchun narx 397 dollarga tushirildi.
Ushbu pul evaziga murabbiylar ishtirokchilarni to‘qqiz bosqichdan o‘tishga va’da berdi. Masalan, kurs sizga o'zingizni ko‘proq qabul qilishni, o‘zingizni ko‘proq qadrlashni, quvnoq bo‘lishni o‘rgatishi kerak.
Ijtimoiy tarmoq foydalanuvchilari aktyorni muxlislardan pul olishga uringani uchun tanqid qilgan. Masalan, sharhlovchilardan biri kurslarni “umidsiz insonlar”dan pul topish uchun nayrang deb atadi. Boshqa foydalanuvchilar esa aktyor tomonidan e’lon qilingan vebinar kurslarini targ‘ib qilishganidan xafa bo‘ldi. Biroq shuni ta’kidlash kerakki, ijtimoiy tarmoqlarda kurs haqida juda ko‘p ijobiy postlar mavjud.
Izoh (0)