Dunyodagi eng badavlat insonlardan birining rafiqasini ko‘z oldingizga keltiring. Xayolingizga qimmatbaho liboslar kiygan, tilla va olmos taqinchoqlar kiygan, faqat boylikka qiziqadigan ayol keldi, to‘g‘rimi? Biroq bu fikr har doim ham to‘g‘ri bo‘lavermaydi. Masalan, dunyodagi eng boy arab shayxining rafiqasi, go‘zal, xayriyachi va inson huquqlari himoyachisi malika Amir al-Tavil shu kabi ayollardan biri hisoblanadi.
Malika Amira 1983-yilning 15-noyabr sanasida Saudiya Arabistonining Ar-Riyod shahrida tug‘ilgan. U shu yerdagi maktabni tugatganidan keyin Shveysariya va AQSHda o‘qishini davom ettirdi va ilmiy darajani qo‘lga kiritdi.
Sharq go‘zali o‘zining nafis va zamonaviy uslubi bilan mashhur va har bir obrazi bilan muxlislarni hayratda qoldiradi. U tez-tez an’anaviy Saudiya kiyimlari – abaya va hijob kiyadi, biroq baribir g‘arb modasini afzal ko‘radi. Malika kiyinish borasida mablag‘ haqida o‘ylamaydi, shu sababli u istasa Chanel, Dolche & Gabbana’ni afzal ko‘rishi, H&M, Zara brendining liboslarini kiyishi mumkin.
Bundan tashqari, Amira mahalliy brendlarning liboslarini ham kiyib turadi va ularni qo‘llab-quvvatlash uchun qo‘lidan kelganicha harakat qiladi. Kasbiy fazilatlariga kelsak, malika inson huquqlarini, ayniqsa, ona yurtida ayollar huquqlarini jonkuyarlik bilan himoya qiladi. U ayollar va yoshlar huquqlarini himoya qilish, shuningdek, tabiiy ofatlar oqibatlarini bartaraf etishga ko‘maklashuvchi jamg‘arma asoschisi va bosh kotibi hisoblanadi.
Malika Amira 2008-yilda shahzoda Al-Valid bin Talal bilan turmush qurgan. Juftlikning to‘y marosimida dunyoning turli burchaklaridan ko‘plab mehmonlar ishtirok etdi va har bir soniya Forbes ro‘yxatiga kiritildi. Ularning sevgi hikoyasi 2000-yillarda biznes uchrashuvida boshlangan. Yoshdagi sezilarli farqqa qaramay, juftlik bir-biriga ko‘ngil qo‘ydi va oradan olti yil o‘tib munosabatlarni qonuniylashtirdi. Bu nikoh turli muhokamalarga sabab bo‘ldi va ko‘pchilik ularning ajrashib ketishi haqida gapirdi. Biroq sevishganlar o‘zaro hurmat va bir-biriga bo‘lgan muhabbati haqida ochiq gapirdi.
Amira al-Tavil Saudiya Arabistoni jamiyatida o‘zining samimiyligi va nafosati bilan tanilgan hurmatli shaxs. Bu qizning hayoti oson emas, chunki uning yelkasida yuz minglab insonlarning mas’uliyatli yuki bor, shu bilan birga u o‘z maqomiga va turmush o‘rtog‘ining obro‘siga mos kelishi kerak. Malika jamoatchilikning hurmatiga sazovor bo‘lgan. Amira o‘zi sevgan ish bilan shug‘ullanadi va insonlarga yordam beradi.
Izoh (3)
Ular 2014 da ajrashgan ekanku
Al-Valid bn 2013da ajrawgan. Qovun tuwrmela bunaqa. Xozrgi eri bowqa
To'g'ri malumot berila, tugilgan yiliyam notug'ri, hozirgi kunda bowqa erga tekkan bu ayol , hich bumasa internetdan tekwirib keyin chiqarila, tupa eski danniyni perevod qib tashamasdan.