Голливуд актёри Метю Макконахи ижтимоий тармоқларда 4,5 минг доллардан сотилаётган шахсий ривожланиш курслари сабабли танқидга учради.
Қиммат курс 24 апрель куни Макконахи билан бир неча соат давом этган бепул вебинарда эълон қилинди. Тадбирни 2,4 миллиондан ортиқ томошабин кўрди, дейилади хабарда.
Вебинар давомида Макконахи бонго зарбли асбобини чалган ва ўз-ўзини ривожлантириш, дангаса бўлмаслик ва инсон ўзига тўғри савол бериши кераклиги бўйича одатий маслаҳатларни тақдим этган. Шунингдек, актёр шарҳловчиларнинг курсга қўшилишга қарор қилиш сабабларини ҳам ўқиб чиққан.
Вебинар давомида Макконахига мотивацион маърузачи Тони Роббинс ва бизнес мураббий Дин Грациоси қўшилган.Таблоид нашри берган маълумотларга кўра, улар инсонларга “тўлиқ қувват билан даволанишга” ёрдам берадиган икки ойлик актёрлик курсининг нархи 4,5 минг долларга тенг эканини эълон қилган. Бироқ вебинарга ташриф буюрувчилар учун нарх 397 долларга туширилди.
Ушбу пул эвазига мураббийлар иштирокчиларни тўққиз босқичдан ўтишга ваъда берди. Масалан, курс сизга ўзингизни кўпроқ қабул қилишни, ўзингизни кўпроқ қадрлашни, қувноқ бўлишни ўргатиши керак.
Ижтимоий тармоқ фойдаланувчилари актёрни мухлислардан пул олишга урингани учун танқид қилган. Масалан, шарҳловчилардан бири курсларни “умидсиз инсонлар”дан пул топиш учун найранг деб атади. Бошқа фойдаланувчилар эса актёр томонидан эълон қилинган вебинар курсларини тарғиб қилишганидан хафа бўлди. Бироқ шуни таъкидлаш керакки, ижтимоий тармоқларда курс ҳақида жуда кўп ижобий постлар мавжуд.
Изоҳ (0)