Ukraina “Ozodlik kuchlari” batalyoni qo‘mondoni Mixail Krijanovskiy Rossiya qamoqxonadagi mahbuslarni Ukrainadagi urushga jo‘natayotganini aytdi. Ular orasida ayollar ham bor. Bu haqda 24.ua xabar berdi.
Ma’lum qilinishicha, mahbus ayollarning bari Yevgeniy Prigojin tomonidan boshqariladigan "Vagner" safida jang qilmoqda. Baxmut shahrida Ukraina qurolli kuchlari va rus bosqinchilari o‘rtasida shiddatli janglar kechmoqda. Qarshi tomon shaharni, shuningdek, uning atrofini to‘liq egallashga urinmoqda. Mahkum erkaklardan tashqari jang maydonida sudlangan ayollar ham bor.
“Ukraina armiyasi mustahkam pozitsiyada turibdi va dushmanga bir metr ham bermayapti. Rossiya kuchlari doimiy ravishda vagnerchilar hisobiga yangilanadi. Bu yerda ’Vagner’ muammolarga duch kelmoqda, chunki u Rossiya Mudofaa vazirligi nazorati ostida. Mahkum erkaklardan tashqari sudlangan ayollar ham bor. Ular ‘Vagner’ safida ham orqa, ham oldinga joylashtiriladi”, — deyd harbiy.
Krijanovskiyning so‘zlariga ko‘ra, Rossiya shaxsiy tarkibni ayamaydi va uning chekinishiga yo‘l qo‘ymaydi.
“Rossiya hujumlarining tabiati, birinchi navbatda, ularning odamlariga nisbatan juda shafqatsizdir. Hujumdan keyin Rossiya tomonida atigi 1-2 kishi qolsa, ularni jang maydonidan olib ketmaydi, balki jangovar topshiriqni bajarishda davom etishni talab qiladi”, — deya ta’kidladi jangchi.
Izoh (0)