Украина “Озодлик кучлари” батальони қўмондони Михаил Крижановский Россия қамоқхонадаги маҳбусларни Украинадаги урушга жўнатаётганини айтди. Улар орасида аёллар ҳам бор. Бу ҳақда 24.ua хабар берди.
Маълум қилинишича, маҳбус аёлларнинг бари Евгений Пригожин томонидан бошқариладиган "Вагнер" сафида жанг қилмоқда. Бахмут шаҳрида Украина қуролли кучлари ва рус босқинчилари ўртасида шиддатли жанглар кечмоқда. Қарши томон шаҳарни, шунингдек, унинг атрофини тўлиқ эгаллашга уринмоқда. Маҳкум эркаклардан ташқари жанг майдонида судланган аёллар ҳам бор.
“Украина армияси мустаҳкам позицияда турибди ва душманга бир метр ҳам бермаяпти. Россия кучлари доимий равишда вагнерчилар ҳисобига янгиланади. Бу ерда 'Вагнер' муаммоларга дуч келмоқда, чунки у Россия Мудофаа вазирлиги назорати остида. Маҳкум эркаклардан ташқари судланган аёллар ҳам бор. Улар 'Вагнер' сафида ҳам орқа, ҳам олдинга жойлаштирилади”, — дейд ҳарбий.
Крижановскийнинг сўзларига кўра, Россия шахсий таркибни аямайди ва унинг чекинишига йўл қўймайди.
“Россия ҳужумларининг табиати, биринчи навбатда, уларнинг одамларига нисбатан жуда шафқатсиздир. Ҳужумдан кейин Россия томонида атиги 1-2 киши қолса, уларни жанг майдонидан олиб кетмайди, балки жанговар топшириқни бажаришда давом этишни талаб қилади”, — дея таъкидлади жангчи.
Изоҳ (0)