Qozog‘istonda 5 va 6 kunlik ish haftasi bilan bir qatorda 4 kunlik ish haftasiga o‘tiladi. Bu haqda “Kazinform” xabar berdi.
Xabarga ko‘ra, 2023-yil 1-iyundan “Qozog‘iston Respublikasining ayrim qonun hujjatlariga ijtimoiy ta’minot masalalari bo‘yicha o‘zgartish va qo‘shimchalar kiritish to‘g‘risida”gi qonun bilan mamlakat Mehnat kodeksiga bu borada tegishli o‘zgartirishlar kiritiladi. Ya’ni, tomonlarning kelishuviga ko‘ra, mehnat shartnomasida besh kunlik yoki olti kunlik ish haftasini almashtirib turish huquqi bilan birga to‘rt kunlik ish haftasini belgilash mumkin bo‘ladi.
Shu bilan birga, qo‘shimcha ishlarning umumiy davomiyligi to‘rt kunlik, besh kunlik va olti kunlik ish haftasi bilan oyiga 12 soatdan va ish vaqtining umumlashtirilgan hisobi o‘rnatilganda yiliga 120 soatdan oshmasligi kerak.
Garchi yangi tartib joriy etilsa-da, mamlakatda besh va olti kunlik ish haftalari saqlanib qoladi. Umumiy dam olish kuni yakshanbaga to‘g‘ri keladi, qolgan dam olish kunlari jamoa shartnomasida va mehnat qoidalariga ko‘ra belgilanadi.
Izoh (0)