Qozog‘istonda mamlakat fuqarolarining Ukrainadagi urushda ishtiroki bo‘yicha 10 ta jinoiy ish bo‘yicha tergov olib borilmoqda. Bu haqda Qozog‘iston Telegraf agentligi xabar berdi.
Mamlakat Milliy xavfsizlik qo'mitasi boshqa tafsilotlarni, jumladan, jinoiy ish bo‘yicha ayblanuvchilar haqida ma’lumot bermagan. Qozog‘iston fuqarolari kim tarafda jang qilgani ham ochiqlanmagan.
Qozog‘iston Jinoyat kodeksiga ko‘ra, xorijdagi qurolli mojarolarda qatnashish 5 yildan 9 yilgacha ozodlikdan mahrum qilish bilan jazolanadi.
Ma’lumot o‘rnida, O‘zbekiston Jinoyat kodeksining 154-moddasi (yollanish)da, xorijiy davlat hududidagi qurolli mojarolarda yoki harbiy harakatlarda qonunga xilof ravishda qatnashganlik uchun 5 yildan 10 yilgacha ozodlikdan mahrum qilish jazosi belgilangan.
Izoh (0)