“Manchester Yunayted” penaltilar seriyasigacha borgan o‘yinda g‘alaba qozonib, Angliya Kubogi finaliga chiqdi

Futbol bo‘yicha Angliya Kubogining yarim finalida “Brayton” va “Manchester Yunayted” jamoalari 23-aprel, yakshanba kuni o‘zaro to‘qnash keldi.

“Uembli” stadionida o‘tgan uchrashuvning asosiy vaqtida hisob ochilmadi. Qo‘shimcha bo‘limlarda ham darvozalar daxlsiz qoldi va penaltilar seriyasiga murojaat qilindi.

Penaltilar seriyasida har ikki jamoada yetti nafardan futbolchi 11 metrlik jarima zarbasini ijro etdi va unda manchesterliklar aniqroq harakat qildi.

Shu tariqa “Manchester Yunayted” ikkinchi finalchiga aylandi. Avvalroq “Manchester Siti” klubi “Sheffild Yunayted”ni mag‘lub etib (3:0), finalga yo‘llanma qo‘lga kiritgandi. Final 3-iyun kuni bo‘lib o‘tadi.

Angliya Kubogi

Yarim final

23-aprel, yakshanba

“Brayton” – “Manchester Yunayted” 0:0

Penaltilar seriyasi — 6:7

“Brayton”: Sanches, Dank, Uebster, Estupinyan, March, Mak Allister, Ensiso (Veltman, 67), Kaysedo, Mitoma, Gross, Uelbek (Undav, 75).

“Manchester Yunayted”: De Xea, Uan-Bissaka (Malasia, 101), Shou, Lindelyof, Diogu Dalot, Eriksen (Fred, 62), Kazemiro, Brunu Fernandesh (Vegorst, 101), Antoni (Zabitser, 90), Marsyal (Sancho, 85), Reshford.

Ogohlantirishlar: Kazemiro (36), Shou (53), Mitoma (90), Lindelyof (97).