Superliga. “Navbahor” safarda “Turon”ni yengib, peshqadamlar qatoriga qo‘shildi

Futbol bo‘yicha O‘zbekiston Superligasining 7-turida “Turon” va “Navbahor” jamoalari 23-aprel, yakshanba kuni o‘zaro to‘qnash keldi.

Uchrashuvning birinchi bo‘limida hisob ochilmadi. Ikkinchi bo‘lim debyutida Yovach Jokich namanganliklarni oldinga olib chiqdi. 63-daqiqada Oston O‘runov jamoasining ikkinchi golini urdi.

72-daqiqada “Navbahor” Jamshid Boltaboyevning chetlatishidan keyin bir o‘yinchi kam bo‘lib qoldi. O‘yin yakunida hisob yirik ko‘rinish olishi mumkin edi, biroq Jamshid Iskandarov penaltidan foydalana olmadi.

Shu tariqa “Navbahor” ochkolarini 15 taga yetkazib olgan holda yetakchilar “Neftchi” va “Paxtakor” bilan tenglashib oldi. “Turon” 3 ochko bilan so‘nggi pog‘onada bormoqda.

Superliga

7-tur bahsi

23-aprel, yakshanba

“Turon” – “Navbahor” 0:2

Gollar: 0:1 – 47 Jokich, 0:2 – 63 O‘runov.

“Turon”: 35. Rahim Davronov, 2. Abdulaziz Abdurashidov (11. Shohnazar Norbekov, 46), 14. Xurshid Muxtorov (18. Abdug‘ani Kamolov, 83), 15. Nikola Kumburovich, 19. Sardor Abduraimov (5. Marlen Chobanov, 77), 21. A’zam Aliyev, 22. Dushan Stoilkovich (88. Milan Boyovich, 83), 44. Anri Chichinadze, 49. Zakariya Beglarishvili (17. Quvondiq Ro‘ziyev, 60), 55. Xushnud Avilov, 77. Bilolxon Toshmirzayev.

“Navbahor”: 1. O‘tkir Yusupov, 6. Ibrohim Yo‘ldoshev, 7. Oston O‘runov, 10. Jamshid Iskandarov, 14. Jamshid Boltaboyev, 17. Abror Ismoilov, 21. Temurxo‘ja Abduxoliqov (11. Shohruz Norxonov, 90+3), 22. Igor Golban, 23. Yovan Jokich, 24. Davron Hoshimov, 77. Asadbek Sobirjonov.

Ogohlantirishlar: Kumburovich (26), Hoshimov (50).

Chetlatish: Boltaboyev (71).