“Манчестер Юнайтед” пенальтилар сериясигача борган ўйинда ғалаба қозониб, Англия Кубоги финалига чиқди

Футбол бўйича Англия Кубогининг ярим финалида “Брайтон” ва “Манчестер Юнайтед” жамоалари 23 апрель, якшанба куни ўзаро тўқнаш келди.

“Уэмбли” стадионида ўтган учрашувнинг асосий вақтида ҳисоб очилмади. Қўшимча бўлимларда ҳам дарвозалар дахлсиз қолди ва пенальтилар сериясига мурожаат қилинди.

Пенальтилар сериясида ҳар икки жамоада етти нафардан футболчи 11 метрлик жарима зарбасини ижро этди ва унда манчестерликлар аниқроқ ҳаракат қилди.

Шу тариқа “Манчестер Юнайтед” иккинчи финалчига айланди. Аввалроқ “Манчестер Сити” клуби “Шеффилд Юнайтед”ни мағлуб этиб (3:0), финалга йўлланма қўлга киритганди. Финал 3 июнь куни бўлиб ўтади.

Англия Кубоги

Ярим финал

23 апрель, якшанба

“Брайтон” – “Манчестер Юнайтед” 0:0

Пенальтилар серияси — 6:7

“Брайтон”: Санчес, Данк, Уэбстер, Эступиньян, Марч, Мак Аллистер, Энсисо (Велтман, 67), Кайседо, Митома, Гросс, Уэлбек (Ундав, 75).

“Манчестер Юнайтед”: Де Хеа, Уан-Биссака (Маласиа, 101), Шоу, Линдельоф, Диогу Далот, Эриксен (Фред, 62), Каземиро, Бруну Фернандеш (Вегорст, 101), Антони (Забицер, 90), Марсял (Санчо, 85), Рэшфорд.

Огоҳлантиришлар: Каземиро (36), Шоу (53), Митома (90), Линдельоф (97).