Instagram: 23 yoshni qarshi olgan Azoda, xalq duosini olgan Liil Xurramov, Malika Ravshanova xonadonidagi xursandchilik

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Aktrisa Shahnoza Hojimatova ustoz san’atkor Olmaxon Hayitovaga kelin bo‘ldi. U Hayit ayyomida momoqaynonasining qabrini ziyorat qilgani aks etgan videoni sahifasiga joyladi.

Turk aktyori Burak O‘zchivit o‘g‘li Karan bilan tushgan suratini sahifasiga joyladi. 

Instabloger Maryam Tillayeva Malavidagi bolalarga hayitlik tarqatgani aks etgan videoni muxlislari bilan bo‘lishdi.

Xonanda Rayhon oila a’zolari bilan Italiyaning Rim shahrida dam olmoqda. 

Xalq ardog‘idagi xonanda Ravshan Komilov fayzli hovlisidan tayyorlangan videoreportajni obunachilariga namoyish qildi.

Xonanda Sevara Nazarxon qizalog‘i Iman Anvar bilan tushgan suratini muxlislariga taqdim etdi. 

O‘zbek shou-biznesining yorqin juftliklaridan biri Farrux Raimov va Dilso‘z turmush qurganliklarining 8 yilligini nishonladi. Shu munosabat bilan xonanda Dilso‘z turmush o‘rtog‘iga iliq tilaklarini bildirdi.

Bollivud aktrisasi Katrina Kaif obunachilarini Hayit bayrami bilan tabrikladi.

Aktrisa, dizayner Shahzoda Muhammedova qizalog‘i Milananing tug‘ilgan kunini qanday nishonlaganini obunachilariga ko‘rsatdi.

Bollivud aktyori Salmon Xon hamkasbi Amir Xon bilan tushgan suratini sahifasiga joyladi va muxlislarini Hayit bayrami bilan tabrikladi.

Xonanda Malika Ravshanova o‘g‘li Ubaydullohning tug‘ilgan kunini yaqinlari davrasida nishonladi.  

Aktrisa Rayhon Ulasenova Abu-Dabida tushgan suratini folloverlariga ko‘rsatdi.

Vayner Liil Xurramov Jizzax viloyatining Zarbdor tumanidagi olis qishloqlarda bo‘lib, muhtoj insonlarga oziq-ovqat mahsulotlarini tarqatdi.

Instabloger, xonanda Azoda 23 yoshni qarshi olganini ma’lum qildi. Shuningdek, Azoda uni tug‘ilgan kuni bilan tabriklab yozgan barcha muxlislariga minnatdorchilik bildirdi.

Shuningdek, Azoda yaqinlaridan, muxlislaridan qanday sovg‘alar olganini obunachilariga ko‘rsatdi.

Xonanda Lola marvarid yaralish jarayonida o‘zini o‘zi shakllantirishi, hech narsaga muhtoj bo‘lmasligi haqida muxlislariga gapirib berdi.

Xonanda Ziyoda Hayit bayramini chiroyli dasturxon atrofida yaqinlari bilan yig‘ilib nishonlagani aks etgan videoni e’lon qildi.