Rossiyaning Sankt-Peterburg shahrida 24-fevral kuni OMON xodimiga ikki marta o‘q uzgan o‘zbekistonlik erkakka yangi ayblov e’lon qilindi. Bu haqda 78.ru xabar berdi.
.jpg)
Sankt-Peterburgning Kuybishevskiy tuman sudi ayblanuvchi Tigran Xachikyanga nisbatan qamoqqa olish tarzidagi ehtiyot chorasini uzaytirdi. Endi u terrorchilikka urinishda (Rossiya Jinoyat kodeksining 30-moddasi 3-qismi — 205-moddasi 1-qismi) ayblanmoqda.
Avvalroq O‘zbekiston fuqarosi faqat Rossiya Jinoyat kodeksining 317-moddasi (huquqni muhofaza qilish organi xodimining hayotiga tajovuz) bo‘yicha ayblangandi. Ushbu moddaga ko‘ra, unga 20 yilgacha qamoq jazosi berilishi mumkin. Tigran Xachikyan o‘z aybiga to‘liq iqror bo‘lgan, erkak 23-aprelga qadar hibsga olingan.
Izoh (0)