NATO bosh kotibi Yens Stoltenberg Kiyevga keldi, deya xabar bermoqda The Kyiv Independent nashri.
Stoltenbergning tashrifi haqida oldindan e’lon qilinmagan. Ukraina prezidenti yoki boshqa rasmiylar ham tashrif haqida hali ma’lumot bergani yo‘q.
2023-yil fevral oyida AQSH prezidenti Jo Bayden va AQSH moliya vaziri Janet Yellen Kiyevga tashrif buyurgan edi.
Mart oyida Yaponiya bosh vaziri Fumio Kisida ham Kiyevga keldi.
Mart oyi oxirida Moldova prezidenti Mayya Sandu, Slovakiya bosh vaziri Eduard Xeger, Sloveniya bosh vaziri Robert Golob va Xorvatiya bosh vaziri Andrey Plenkovich Ukrainaga tashrif buyurdi. Ular tinch aholi qirg‘inlariga bir yil to‘lgani munosabati bilan Bucha shahriga borishdi.
Iyul oyida Vilnyusda NATO sammiti bo‘lib o‘tadi. Alyansning ko‘plab aʼzolari ushbu yig‘ilishda Ukrainaga NATOga qo‘shilish bo‘yicha “yo‘l xaritasi”ni taqdim etish tarafdori. Shu bilan birga AQSH, Germaniya va Vengriya bunga qarshi ekanini bildirgan.
Izoh (0)