“Ko‘pchilik mendan o‘zga sayyoraliklar qayerdaligini so‘raydi” — Ilon Mask

Amerikalik biznesmen va milliarder Ilon Mask o‘zga sayyoraliklar mavjudligi haqidagi taxminlarga izoh berdi. Bu haqda u Fox News telekanaliga bergan intervyusida gapirdi.

Mask o‘zga sayyoraliklar haqida albatta bilishini ta’kidladi, chunki u koinot haqida katta bilimga egaligini qayd etdi. Milliarder o‘zga sayyoraliklar mavjudligini tasdiqlovchi dalillarni ko‘rmaganini aytdi.

“Ko‘pchilik mendan o‘zga sayyoralik qayerda deb so‘raydi. Agar ular mavjud bo‘lganida, bu haqda darhol Twitter’da yozardim. Ehtimol, bu barcha davrlarning eng yaxshi tviti bo‘lardi”, — deb hazillashgan u.

Maskning ta’kidlashicha, AQSH hukumati o‘zga sayyoraliklar borligini bilsa, harbiy xarajatlarni osonlikcha oshiradi.

“Biz mudofaa budjetini doimiy ravishda oshirishga harakat qilamiz. Bilasizmi, qanday holda bu borada e’tiroz bo‘lmaydi? Agar o‘zga sayyoralikni olib chiqib, ulardan himoyalanish uchun pul kerakligini aytsak. Demak, mudofaa byudjetini oshirishning eng tezkor yo‘li bu o‘zga sayyoralikni ko‘rsatishdir”, — degan Mask.

Shuningdek u  eng katta xavf o‘zga sayyoraliklar emas, balki odamlar ekanini aytgan va butun dunyo bo‘ylab tug‘ilish darajasi pasayib borayotganiga ishora qilgan.