Narxlar pasayishi 10 foizdan 32 foizgacha arzonlashuvni tashkil etib, import oziq-ovqat va nooziq-ovqat tovarlarini qamrab oldi.
2023-yilning 23-mart sanasida O‘zbekistondagi eng yirik supermarketlar tarmog‘i – “Korzinka” hukumatning 36 toifadagi tovarlarga bojlarni bekor qilish tashabbusini qo‘llab-quvvatlagan holda birinchilardan bo‘lib tovarlar narxining pasaytirilishi haqida eʼlon qildi.
Chegirmalarning ilk to‘lqinida 231 tovarlar narxi pasaytirildi. Korzinka vakillarining xabar berishicha, narxlar pasaytirilishi faqatgina farmon qonuniy kuchiga kirganidan so‘ng keltiriladigan mahsulotlar uchungina emas. Bojlari to‘lanib, avvalroq olib kelingan tovarlarning narxini ham kompaniyaning o‘z tashabbusi bilan pasaytirilgan.
“Ushbu imtiyozlar, birinchi navbatda, barcha isteʼmolchilar uchun taqdim etilgan va biz bu yangilik bo‘yicha saʼy-harakatlarni aholiga yanada tezroq yetib borishiga harakat qildik. Shu tarzda biz, bojdan xoli toifalardagi tovarlarning yangi partiyasi kelishini kutmasdan, aksiyani #InsonQadriUchun deya nomlab, ularning narxini ham pasaytirishga qaror qildik”, — “Korzinka” supermarketlar tarmog‘i asoschisi Zafar Hoshimov bu holatni shunday izohlaydi.
“Bu hali biz taqdim etayotgan chegirmalarning birinchi to‘lqini xolos. Turli tahlil va baholashlarga ko‘ra, narxlar pasaytirilishi bojlardan ozod qilingan, belgilangan toifalarga mos keluvchi 1000 dan ortiq nomdagi tovarlarni qamrab oladi”, — deya taʼkidlaydi “Korzinka” supermarketlar tarmog‘i tijoriy direktori Sherzod Mahmudov.
Pasaytirilgan narxdagi tovarlar soni oshib borishiga qarab, katalogdagi assortiment ham kengayib boradi. Korzinka yangiliklari va aksiyalarini esa kompaniyaning ijtimoiy tarmoqdagi sahifalari va rasmiy saytida kuzatib borish mumkin.
.jpg)
Reklama huquqi asosida.
Izoh (0)