Нархлар пасайиши 10 фоиздан 32 фоизгача арзонлашувни ташкил этиб, импорт озиқ-овқат ва ноозиқ-овқат товарларини қамраб олди.
2023 йилнинг 23 март санасида Ўзбекистондаги энг йирик супермаркетлар тармоғи – “Korzinka” ҳукуматнинг 36 тоифадаги товарларга божларни бекор қилиш ташаббусини қўллаб-қувватлаган ҳолда биринчилардан бўлиб товарлар нархининг пасайтирилиши ҳақида эълон қилди.
Чегирмаларнинг илк тўлқинида 231 товарлар нархи пасайтирилди. Korzinka вакилларининг хабар беришича, нархлар пасайтирилиши фақатгина фармон қонуний кучига кирганидан сўнг келтириладиган маҳсулотлар учунгина эмас. Божлари тўланиб, аввалроқ олиб келинган товарларнинг нархини ҳам компаниянинг ўз ташаббуси билан пасайтирилган.
“Ушбу имтиёзлар, биринчи навбатда, барча истеъмолчилар учун тақдим этилган ва биз бу янгилик бўйича саъй-ҳаракатларни аҳолига янада тезроқ етиб боришига ҳаракат қилдик. Шу тарзда биз, бождан холи тоифалардаги товарларнинг янги партияси келишини кутмасдан, акцияни #InsonQadriUchun дея номлаб, уларнинг нархини ҳам пасайтиришга қарор қилдик”, — “Korzinka” супермаркетлар тармоғи асосчиси Зафар Ҳошимов бу ҳолатни шундай изоҳлайди.
“Бу ҳали биз тақдим этаётган чегирмаларнинг биринчи тўлқини холос. Турли таҳлил ва баҳолашларга кўра, нархлар пасайтирилиши божлардан озод қилинган, белгиланган тоифаларга мос келувчи 1000 дан ортиқ номдаги товарларни қамраб олади”, — дея таъкидлайди “Korzinka” супермаркетлар тармоғи тижорий директори Шерзод Маҳмудов.
Пасайтирилган нархдаги товарлар сони ошиб боришига қараб, каталогдаги ассортимент ҳам кенгайиб боради. Korzinka янгиликлари ва акцияларини эса компаниянинг ижтимоий тармоқдаги саҳифалари ва расмий сайтида кузатиб бориш мумкин.
.jpg)
Реклама ҳуқуқи асосида.
Изоҳ (0)