Tayvan Xitoyning ehtimoliy bosqiniga qarshi turish uchun AQSHdan 400 tagacha Harpoon kemaga qarshi raketalarni sotib oladi. Bu haqda Bloomberg xabar berdi.
“Tayvan 2020-yilda Kongress tomonidan tasdiqlangan kelishuvni yakunlab, Xitoyning potensial bosqinini qaytarish uchun 400 tagacha yerga asoslangan (quruqlikdan uchiriladigan) Harpoon raketalarini sotib olmoqda”, — deyiladi xabarda.
Pentagon ushbu raketalarni yetkazib berish uchun Boeing kompaniyasi bilan 1,7 milliard dollarlik shartnoma imzolaganini e’lon qildi. Ilgari Tayvan Boeing Co tomonidan ishlab chiqarilgan Harpoon raketalarining kemadan uchiriladigan versiyalarini sotib olgan edi.
“AQSHning Tayvanga mudofaa mahsulotlarini yetkazib berishi Tayvan xavfsizligi uchun muhim”, — dedi Pentagon matbuot kotibi Martin Mayners.
Shartnoma AQSH va Xitoy o‘rtasidagi yuqori keskinlik davrida amalga oshirildi. Tayvan keskinlikning asosiy manbai hisoblanadi.
Aprel oyi boshida Tayvan prezidenti Say Inven Kaliforniyada AQSH palatasi spikeri Kevin Makkarti bilan uchrashganidan so‘ng Xitoy Tayvan atrofida harbiy mashg‘ulotlar o‘tkazgan edi.
Izoh (0)