Turkiyaning AnadoluJet aviakompaniyasi Anqara—Toshkent—Anqara yangi yo‘nalishini ochgandi. 18-aprel kuni aviakompaniya samolyoti ushbu yo‘nalishda ilk parvozini amalga oshirdi.
.jpg)
Transport vazirligi matbuot xizmatining xabar qilishicha, shu kuni soat 05:11 da AnadoluJet samolyoti Toshkent xalqaro aeroportiga kelib qo‘ndi.
Anqara—Toshkent yo‘nalishida ilk qatnovni amalga oshirgan aviakompaniyaning Boeing 737-800 havo kemasida 160 nafar yo‘lovchi Toshkentga keldi. An’anaga ko‘ra samolyot suv arkasi bilan kutib olindi.
Mazkur yo‘nalishda aviaqatnovlar muntazam ravishda haftada bir marta dushanba kunlari, Anqaraga esa seshanba kunlari bajariladi.
Bugungi kunda, shuningdek, O‘zbekiston va Turkiya o‘rtasida Toshkent—Istanbul, Samarqand—Istanbul, Farg’ona—Istanbul, Urganch—Istanbul, Buxoro—Istanbul yo‘nalishlarida tayinlangan aviakompaniyalar tomonidan haftasiga 61 ta reys amalga oshirilmoqda.
Izoh (0)