Туркиянинг AnadoluJet авиакомпанияси Анқара—Тошкент—Анқара янги йўналишини очганди. 18 апрель куни авиакомпания самолёти ушбу йўналишда илк парвозини амалга оширди.
.jpg)
Транспорт вазирлиги матбуот хизматининг хабар қилишича, шу куни соат 05:11 да AnadoluJet самолёти Тошкент халқаро аэропортига келиб қўнди.
Анқара—Тошкент йўналишида илк қатновни амалга оширган авиакомпаниянинг Boeing 737-800 ҳаво кемасида 160 нафар йўловчи Тошкентга келди. Анъанага кўра самолёт сув аркаси билан кутиб олинди.
Мазкур йўналишда авиақатновлар мунтазам равишда ҳафтада бир марта душанба кунлари, Анқарага эса сешанба кунлари бажарилади.
Бугунги кунда, шунингдек, Ўзбекистон ва Туркия ўртасида Тошкент—Истанбул, Самарқанд—Истанбул, Фарғона—Истанбул, Урганч—Истанбул, Бухоро—Истанбул йўналишларида тайинланган авиакомпаниялар томонидан ҳафтасига 61 та рейс амалга оширилмоқда.
Изоҳ (0)