Ijtimoiy tarmoqlarda O‘zbekiston xalq artisti Malika Ahmedova tergov harakatlaridan norozi bo‘lib yo‘llagan videomurojaati tarqaldi. Bosh prokuratura holat yuzasidan ma‘lumot berdi.
Malika Ahmedova o‘z murojaatida 600 000 dollarga teng qimmatbaho taqinchoqlari o‘g‘irlangani, 4 oy davomida o‘g‘irlangan buyumlarning arzimagan qiymatdagilari qaytarilganini, lekin qimmatbaho brilliant va tillalar qaytarilmayotganini aytib o‘tgan.
Murojaatga asosan,11-aprel kuni Malika Ahmedova Mirzo Ulug‘bek tumani prokurori Aliakbar Pulatovning qabuliga taklif qilindi va uning tergov bilan bog‘liq eʼtiroz va vajlari tinglandi.
Qabul davomida unga tuman prokuraturasiga taqdim qilingan jinoyat ishi tegishli tartibda o‘rganib chiqilgani va tergov organiga ish bo‘yicha qo‘shimcha tergov harakatlarini o‘tkazish haqida yozma ko‘rsatma berilgani tushuntirildi. Shuningdek, bu bo‘yicha qo‘shimcha tergov harakatlari o‘tkazilishi aytildi.
Qayd etilishicha, 8-aprel kuni jinoyat ishi ayblov xulosasini tasdiqlash va sudga yuborish uchun tuman prokuraturasiga taqdim qilingan.
Izoh (0)