Qashqadaryo viloyatining Chiroqchi tumanidagi qishloqda paydo bo‘lgan yovvoyi ayiq otib o‘ldirilgani haqida xabarlar berilgan edi. Tabiat resurslari vazirligi holat yuzasidan batafsil maʼlumot berdi.
Xabarga ko‘ra, 5-aprel kuni taxminan soat 23:00 larda ayiq Qumdaryoga yaqin joydagi jarlikda hosil bo‘lgan g‘or ichiga kirib olgan. Birozdan so‘ng bu yerda mahalliy aholi to‘plangan. Mahalliy hokimlik vakillaridan iborat ishchi guruh tomonidan o‘z vaqtida tegishli chora-tadbirlar ko‘rilmaganligi bois ayiq bezovtalanib, jarlikdan tepaga chiqishga uringan.
Chiroqchi tumani IIB boshlig‘i A.B. atrofga yig‘ilgan aholi xavfsizligini taʼminlash maqsadida ovchi D.A. ga ayiqqa o‘q uzishga ko‘rsatma bergan. Natijada ayiqning joni uzilgan. Toshkent hayvonot bog‘i vakillari hodisa joyiga yetib borganida ayiq nobud bo‘lgan edi.
Maʼlum qilinishicha, mazkur holat o‘rganilishi davom etmoqda. Masʼuliyatsizlikka yo‘l qo‘ygan va buning oqibatida qo‘ng‘ir ayiqning o‘limiga sabab bo‘lgan masʼullarga nisbatan tegishli tartibda intizomiy jazo choralari ko‘riladi.
Shuningdek, ayiqning terisi shilib olingani haqidagi foto va xabar haqiqatga zid ekani taʼkidlangan.
“Ijtimoiy tarmoqlarda tarqalgan suratning Chiroqchi tumanidagi voqeaga aloqasi yo‘q. Ayni damda ushbu holat yuzasidan ham o‘rganish ishlari olib borilmoqda”, deyiladi vazirlik xabarida.
Izoh (3)
Endi jazolagan bilan ayqiq qaytib kelarmidi intizomiy jazo ishdan bo‘shatish jarima qo‘llandi bu xo‘ja ko‘rsinga qilinadigan ishlar charchatdi. 100 mln so‘m to‘lasa ham ayiq qaytib kelmaydi moboda to‘lganda ham 50 foyizi birovning cho‘ntagiga ikki uch kun aynaladi ayiq muhokamasi maktab qishloq qayerda edi jin urgur masullar ekologiya xodimlari ekologiya partiyasi bor edi. Nahot shu ayiqga jon kuydirib muhofaza qiladigan odam inson topilmadi. O‘zi ekologiyamiz izdan chiqib ketgan bo‘lsa hayvondan ham battar bo‘ldik. Bu bo‘layotgan ishlar aqildan ozdaradi. Siyosatlaring o‘lda jo‘lda chala bir ish qilsalaring alakaning itday sudrab yuraslar yolg‘onni toydirib yuboraslar qonunlaring kabag‘alga yugurib ishlaydi amaldagilarga kelsa uxlab uyqsrab o‘tradi.
BU BUYRUQ BO'LMAGANIDA,QASHQADARYOLIK POLVONLARNING KUCHI YETARDI AYIQNI TUTIB OLISHGA.
Bizda ya'ni Uzbekistonda nimaga jonivorlarga ozor yetkaziladi. Ojiz narsalarga kuchi yetadi xalos...Tugadi