Avstriya Xalqaro jinoiy sud qarorini bajarishini va Rossiya prezidenti Vladimir Putin mamlakatga kelsa, uni hibsga olishini bildirdi. Bu haqda mamlakatning Yevropa Ittifoqi va Konstitutsiya masalalari bo‘yicha vaziri Karolina Edtshtadler ma’lum qildi.
U Xalqaro jinoiy sud tomonidan hibsga olish to‘g‘risidagi buyruq e’lon qilinishi va chiqishi Putin “Avstriya tuprog‘iga qadam qo‘ygan bo‘lsa, uni hibsga olish kerak” degan ma’noni anglatishini ta’kidladi.
“Avstriya xalqaro va jinoiy qonunchilik bo‘yicha o‘z majburiyatlarini bajaradi”, — dedi Edtshtadler.
Putinni hibsga olish uchun order
17-mart kuni Xalqaro jinoiy sudi Rossiya prezidenti va uning bolalar huquqlari bo‘yicha komissari Mariya Lvova-Belovani ukrainalik bolalarni Rossiya hududiga majburan deportatsiya qilishda ayblab, uni hibsga olishga order berdi.
Avstriyaning Ukrainadagi urushdagi pozitsiyasi
Avstriya hukumati Ukrainadagi urush borasida juda ziddiyatli pozitsiyaga ega. Misol uchun, yanvar oyida Avstriya tashqi ishlar vaziri Aleksandr Shallenberg Rossiya Yevropa davlatlari uchun har doim muhim bo‘lishini va kimdir boshqacha fikrda bo‘lsa, bu bema’nilik ekanini aytgan.
Shu bilan birga, Avstriya ukrainalik qochqinlarni qabul qilishini bildirgan. 17-mart kuni esa mamlakat Rossiya uchun maxsus tribunal yaratish uchun xalqaro koalitsiyaga qo‘shilgani ma’lum bo‘lgan.
Izoh (0)