Xorazm viloyati Xiva shahridan qadimiy quduq yoki zindon topilgani haqidagi video ijtimoiy tarmoqlarda tarqaldi. Madaniy meros agentligi holat yuzasidan munosabat bildirdi.
Bu holat bo‘yicha mutaxassislar tomonidan “Mevaston” mahallasi hududida xususiy qurilish firmasi tomonidan qurilish o‘tkazilayotgan obyekt hududida o‘rganish olib borilgan.
Unga ko‘ra, qurilish jarayonida, turar joylar qurishda ishlatiladigan adan (kanalizatsiya tizimi) qoldiqlari topilgan. Bu kanalizatsiya tizimidan yaqin kunlargacha foydalanilgan. Bu “snos”ga tushib, buzilib ketgan uyning kanalizatsiya tizimi ekani aniqlangan.
Obyektda hech qanday tarixiy ahamiyatga ega madaniy qatlamlar topilmagan. Shuningdek, hududda deyarli tarixiy ahamiyatga molik madaniy qatlamlar yo‘qligini, 2019-yilda Xorazm Ma’mun akademiyasi tomonidan o‘tkazilgan arxeologik tekshiruvlar ham tasdiqlagan.
Izoh (0)