Germaniyada mezbonligida Osiyo va Okeaniya mintaqasi vakillari ishtirokida shaxmat bo‘yicha Armageddon Championship Series musobaqasi o‘tkazildi.
Unda o‘zbekistonlik grossmeyster Nodirbek Abdusattorov ham ishtirok etdi. Abdusattorov chorak finalda hindistonlik Vidit Santosh Gujratini mag‘lubiyatga uchratdi. Yarim finalda esa yana bir Hindiston vakili Gukesh Dommarajuga imkoniyatni boy berdi.
Shundan keyin yutqazgarlar o‘rtasidagi bellashuvlarda Nodirbek Murali Kartikeyan (Hindiston), Parham Magsudlu (Eron) va Gukeshga finalda yengilgan Vladimir Kramnikni (Rossiya) ortda qoldirib, grand finalga yo‘l oldi.
Grand finalda yana Abdusattorov va Gukesh to‘qnash keldi. Unda o‘zbekistonlik shaxmatchi yana raqibiga yengildi.
Mazkur natija evaziga Abdusattarov sentabr oyida bo‘lib o‘tadigan Armageddon Championship Series musobaqaisning grand finaliga yo‘llanma qo‘lga kiritdi.
Musobaqada sakkiz nafar saralangan grossmeyster ishtirok etdi: Nodirbek Abdusattorov (O‘zbekiston), Vladimir Kramnik, Daniil Dubov (ikkisi Rossiya), Vidit Gujrathi, Gukesh Dommaraju, Murali Kartikeyan (barchasi Hindiston), Yangyi Yu (Xitoy), Parham Magsudlu (Eron).
Qayd etish kerak, bu rossiyalik shaxmatchilar Osiyo mintaqasi vakili sifatida ishtirok etgan ilk musobaqa bo‘ldi.
Armageddon Championship Series. Ushbu musobaqada ishtirokchilar shaxmatning blits yo‘nalishida bahs olib boradi. Dastlabki ikki raundda g‘olib nomi aniqlanmasa, uchinchi raund armageddon yo‘nalishida o‘tkaziladi. Unda vaqt yanada qisqartiriladi va durang natija qayd etilgan taqdirda ham qora donada harakat qilgan sportchi g‘alaba qozongan hisoblanadi.
Izoh (0)