Armageddon Championship Series. Нодирбек Абдусатторов Осиё ва Океания минтақаси гранд финалида иштирок этди

Германияда мезбонлигида Осиё ва Океания минтақаси вакиллари иштирокида шахмат бўйича Armageddon Championship Series мусобақаси ўтказилди.

Унда ўзбекистонлик гроссмейстер Нодирбек Абдусатторов ҳам иштирок этди. Абдусатторов чорак финалда ҳиндистонлик Видит Сантош Гужратини мағлубиятга учратди. Ярим финалда эса яна бир Ҳиндистон вакили Гукеш Доммаражуга имкониятни бой берди.

Шундан кейин ютқазгарлар ўртасидаги беллашувларда Нодирбек Мурали Картикеян (Ҳиндистон), Парҳам Магсудлу (Эрон) ва Гукешга финалда енгилган Владимир Крамникни (Россия) ортда қолдириб, гранд финалга йўл олди.

Гранд финалда яна Абдусатторов ва Гукеш тўқнаш келди. Унда ўзбекистонлик шахматчи яна рақибига енгилди.

Мазкур натижа эвазига Абдусаттаров сентябрь ойида бўлиб ўтадиган Armageddon Championship Series мусобақаиснинг гранд финалига йўлланма қўлга киритди.

Мусобақада саккиз нафар сараланган гроссмейстер иштирок этди: Нодирбек Абдусатторов (Ўзбекистон), Владимир Крамник, Даниил Дубов (иккиси Россия), Видит Гужратҳи, Гукеш Доммаражу, Мурали Картикеян (барчаси Ҳиндистон), Янгйи Ю (Хитой), Парҳам Магсудлу (Эрон).

Қайд этиш керак, бу россиялик шахматчилар Осиё минтақаси вакили сифатида иштирок этган илк мусобақа бўлди.

Armageddon Championship Series. Ушбу мусобақада иштирокчилар шахматнинг блиц йўналишида баҳс олиб боради. Дастлабки икки раундда ғолиб номи аниқланмаса, учинчи раунд армагеддон йўналишида ўтказилади. Унда вақт янада қисқартирилади ва дуранг натижа қайд этилган тақдирда ҳам қора донада ҳаракат қилган спортчи ғалаба қозонган ҳисобланади.