UFC 287. Исраэл Адесаня реваншда ғалаба қозониб, камарни қайтариб олди. Хорхе Масвидал яна енгилди ва фаолиятини якунлади

АҚШнинг Майами шаҳрида Ўзбекистон вақти билан 9 апрель тонгида UFC 287 мусобақаси ўтказилди.

Мусобақанинг асосий жанги ўрта вазн тоифаси чемпиони Алекс Перейра ва собиқ чемпион Исраел Адесаня ўртасида бўлиб ўтди. Жангнинг иккинчи раундида Адесаня қарши ҳужумда рақибига кучли зарбалар йўллаб, Перейрани чуқур нокаут ҳолатига туширди.

Шу тариқа Адесаня титулни қайтариб олди. 2022 йилнинг ноябрь ойида Перейра 5-раунддаги нокаут эвазига Исраэлдан камарни тортиб олганди.

Яна бир марказий жанглардан бири ярим ўрта вазн тоифаси вакиллари Гилберт Бёрнс ва Хорхе Масвидал ўртасида кечди. Жангнинг дастлабки раунди тенг курашлар остида ўтди, кейинги икки раундни Бёрнс ўз фойдасига ҳал қилди ва очколар эвазига ғалаба қозонди.

Мазкур жангдан кейин Масвидал 20 йиллик фаолиятдан кейин MMAъдан кетишини маълум қилди.

UFC 287 натижалари билан қуйидаги танишинг:

Асосий кард

• Исраэл Адесаня 2-раундда Алекс Перейрани нокаутга учратди;
• Гилберт Бёрнс очколар эвазига Хорхе Масвидални ютди;
• Роб Фонт 1-раундда Адриан Янезни нокаут қилди;
• Кевин Ҳолланд 3-раундда Сантиаго Понсиниббиони нокаутга учратди;
• Кристиан Родригес очколар эвазига Рауль Росасдан устун келди.

Прелим кард

• Кевин Гастелум очколар эвазига Крис Кёртисни мағлубиятга учратди;
• Луана Пинeйро очколар эвазига Уотерсон-Гомесни ютди;
• Жозеф Пайфер 1-раундда Жералд Миршертни 1-раундда нокаутга учратди;
• Лупита Гонидес очколар эвазига Синтиля Калвилёни енгди;
• Игнасио Баҳамондес очколар эвазига Трей Огденни мағлуб этди;
• Стив Гарсия 2-раундда Шайилан Нуэрданбиэкени нокаут қилди;
• Сем Хьюз очколар эвазига Жаклин Аморимни ютди.