Isroil aviatsiyasi 8-aprel kuni Suriya harbiy obyektlariga hujum qildi. Bu haqda Al Jazeera xabar berdi.
Suriya davlat ommaviy axborot vositalari Damashq yaqinida portlashlar sodir bo‘lganini xabar qildi. Isroil Golan tepaliklari tomon oltita raketa uchirilgani sababli mamlakat harbiy-havo kuchlari Suriya hududiga zarba berishda davom etishini bildirdi.
Harbiylar Suriyadan uchirilgan uchta raketa Isroil nazorati ostidagi hududni kesib o‘tgani, ikkitasi ochiq yerga tushgani, uchinchisi esa havo hujumidan mudofaa tizimlari tomonidan tutib olinganini aytdi.
Shundan so‘ng Isroil harbiylari Suriyadan Isroilga yana uchta raketa uchirilganini, bir necha soat ichida otilgan raketalar sonini oltitaga yetganini da’vo qildi. Isroil Suriya armiyasi majmuasi, harbiy radar tizimlari va artilleriya postlarini nishonga olganini ma’lum qildi.
“Suriya o‘z hududida sodir bo‘layotgan barcha harakatlar uchun javobgar deb va uning Isroil suverenitetini buzishga urinishlarga yo‘l qo‘ymaydi”, — deyilgan Isroil mudofaa kuchlari bayonotida.
Izoh (0)