Kelasi hafta Yerni magnit bo‘ronlari qoplaydi. Bu haqda sun’iy yo‘ldosh tizimlari va dunyo bo‘ylab ilmiy xalqaro meteorologiya laboratoriyalari ma’lumotlaridan foydalangan holda onlayn prognozni amalga oshiruvchi Meteoagent xabar berdi.
Aprelning 10 va 11-sanasida ob-havoga sezgir odamlar magnit bo‘ronlaridan ehtiyot bo‘lishi kerak bo‘ladi. Prognozga ko‘ra, ikki kun davom etadigan magnit bo‘roni kuchi salbiy, ya’ni K-indeksida 4 darajani tashkil qiladi.
Magnit bo‘roni nima?
Bu Quyoshdagi chaqnashlar natijasida sayyoramiz geomagnit maydonining buzilishi sanaladi. Bu jarayonlar ob-havoga sezgirlar, keksalar va surunkali kasalliklarga chalingan odamlarning sog‘lig‘iga salbiy ta’sir qiladi. Magnit bo‘roni salbiy ta’sirining eng keng tarqalgan ko‘rinishlari quyidagilar:
- bosh aylanishi va bosh og‘rig‘i;
- uyqu buzilishi;
- diqqatni jamlash bilan bog‘liq muammolar;
- qon bosimning buzilishi;
- surunkali kasalliklarning kuchayishi;
- og‘riqlar, shuningdek, bo‘g‘imlardagi og‘riq;
- ishtaha buzilishi va ko‘ngil aynishi;
- holsizlik.
Bunday kunlarda organizmga yordam berish uchun kuniga kamida 7-8 soat uxlash maslahat berilgan. Qahva miqdorini kamaytirib, o‘simliklardan tayyorlangan choy iste’mol qilish kerak. Shuningdek, kontrastli dush, ertalabki mashqlar, toza havoda yurish, yugurish magnit bo‘roni fonida salomatlikni yaxshilashga hissa qo‘shadi.
Izoh (0)