Braziliyada 25 yoshli erkakning bolalar bog‘chasiga bolta bilan hujum qilishi oqibatida to‘rt nafar bola halok bo‘ldi. Bu haqda huquq-tartibot organlaridagi manbaga tayanib, Globo nashri xabar berdi.
Voqea Blumenau shahrida sodir bo‘lgan. Noma’lum shaxs xususiy bog‘cha panjarasidan oshib, bolalarga hujum qilgan. Halok bo‘lganlar orasida uch o‘g‘il va bir qiz bor. Ular boshidan olgan jarohat oqibatida halok bo‘lgan. Qurbonlar besh yoshdan yetti yoshgacha. Yana besh nafar tarbiyalanuvchi jarohat olgan.
Hujumdan so‘ng noma’lum shaxs politsiyaga taslim bo‘lgan. Hozirda erkak hibsga olingan. Hodisadan so‘ng shtat hukumati uch kunlik motam e’lon qildi. Muassasa binosi xavfsizlik kuchlari tomonidan o‘rab olingan.
Izoh (0)