Grem Potter 2-aprel kuni “Chelsi”dan iste’foga chiqarildi. Ingliz mutaxassisi London klubida 7 oyga yaqin faoliyat olib bordi.
Bu vaqt ichida Potterning “ko‘klar” jamoasidagi faoliyati qanday o‘tdi? Quyida Garri Potter filmiga oid giflar orqali Grem bosib o‘tgan yo‘l yodga olinadi.
Grem Potterning Londondagi sarguzashtlari
Sentabr oyida amerikalik biznesmen Todd Bouli yosh mutaxassis Grem Potterni “Chelsi”ga olib ketish uchun Braytonga tashrif buyurdi.
Potterni taklif hayratga soldi va u uzoq o‘ylab o‘tirmadi.
Mutaxassis tezda chemodanlarini yig‘ishtirdi va Londonga ketadigan poyezdga o‘tirdi.
Potterning tashrifidan “Chelsi” vakillari orasida Mark Kukurelya juda xursand bo‘ldi. U aynan Potterning “Brayton”ida yorqin o‘yin ko‘rsatgandi.
Ishga kirishishi oldidan g‘alati ogohlantirish ham bo‘ldi. “Chelsi” ofisida Potter toliqqan nemis mutaxassisini uchratdi, u Gremni sog‘lig‘iga e’tiborli bo‘lishga chaqirdi. Bu klub sobiq ustozi Tomas Tuxel edi.
Potter yomon boshlamadi: 9 ta mag‘lubiyatsiz o‘yin, 6 g‘alaba.
“Chelsi” muxlislari ham xursand edi...
Todd Bouli ham “Stemford Brij”da kayfiyati chog‘ holda o‘tirardi.
Uning davrida Kepa Arrisabalaga asosiy darvozabon roliga qaytdi.
Hammasi “Brayton”ga qarshi o‘yindan keyin boshlandi. Potter o‘zi uchun qadrli stadionga bordi va 1:4 hisobidagi qaqshatqich mag‘lubiyatni qabul qilib oldi.
Shundan keyin “Chelsi”da sho‘ng‘ish boshlandi.
Potter va “Chelsi” Liga Kubogi bilan xayrlashdi — Pep Gvardiola boshliq “Manchester Siti” ularni mag‘lub etdi.
Jahon Chempionati oldidan jamoa ketma-ket uchta mag‘lubiyatni qabul qilib oldi.
Muxlislar ham murabbiyni keskin kutib olishni boshladi.
Boxing Day’da “Bornmut” ustidan qozonilgan g‘alaba ham Potterni solishtiruvlardan qutqarib qololmadi. “Chelsi” 17 turdan keyin 24 ochko to‘plagandi, bir yil avval bu ko‘rsatkich 37 ochkoga teng edi.
Yangi yil — mo‘jizalar va transfer oynasi vaqti. Muammolarni hal qilish uchun imkon berildi.
Bouli murabbiyga transferlar uchun 300 million funt ajratdi. Murabbiy faoliyati davomida bu qadar ko‘p pulga ega bo‘lmagandi.
“Shaxtyor”dan 70+30 million evaziga Mixaylo Mudrikni sotib olindi. Yigitcha “Arsenal”ga ketayotgan chog‘ida “Chelsi” tomonidan ilib ketildi.
Jahon Chempionatining yosh yulduzi Enso Fernandes uchun “Benfika”ga 120 million funt berildi.
Jamoa gol urishni boshlashi uchun Joau Feliks 11 million evaziga yarim yilga ijaraga olindi.
Keyinchalik Potter yangi o‘yinchilardan qanday foydalanishni bilmayotgani ma’lum bo‘ldi.
Jamoadagi atmosfera ham yaxshi emasdi. Kukurelya va Mudrik, bir qanotda to‘p suradigan o‘yinchilar bir-biri bilan chiqisha olmadi.
“Chelsi” fevral oyida barcha o‘yinlarda bittagina gol urdi. Oyning eng chiroyli golini aniqlash uchun tanlov ham yo‘q edi.
Omadsiz oydan keyin Potter shikoyat qildi: uning oilasiga tahdidlar bo‘layotgani, o‘zi esa kuchli bosim ostida qolganini aytdi.
Chempionlar Ligasida esa joriy mavsum ko‘tarinki ruhda o‘ynayotgan “Borussiya D” duch keldi.
Biroq London klubi raqib ustidan ishonchli g‘alabaga erishdi. Dastlabki o‘yindagi mag‘lubiyatdan keyin javob bahsida g‘alaba.
Biroq Premyer Ligadagi holat beqaror bo‘lib qolaverdi. G‘alabalar ham ishonchli o‘yin orqali qayd etilmayotgandi. Potter esa xuddi nima qilishni bilmayotgandek taassurot qoldirardi.
Bu vaqtda qimmat narxga sotib olingan yangi futbolchilar o‘yinlarni zaxira o‘rindig‘ida kuzatardi.
“Aston Villa”ga qarshi o‘yindan keyin Boulining sabri tugadi. U Potter bilan xayrlashdi. Ertak ham yakun topdi.
Izoh (0)