Yevropol Rossiyaning Ukrainadagi harbiy jinoyatlarida gumon qilingan 150 nafar shaxsni aniqladi

Yevropol 7 000 ta fotosurat va videoni tahlil qilib, Rossiyaning Ukrainadagi harbiy jinoyatlarida gumon qilingan 150 nafar shaxsni aniqlashga muvaffaq bo‘ldi. Bu haqda Yevropol ijrochi direktori Katrin de Bollega tayanib, “Ukrinform” xabar berdi.

“Biz Yevropolda 7000 ta fotosurat, videotasvir va 550 ta guvohnomani tahlil qildik. Urush jinoyatlarida gumon qilingan 150 nafar shaxsni aniqlashga muvaffaq bo‘ldik”, — dedi De Bolle.

U Yevropol Rossiyaning Ukrainadagi harbiy jinoyatlarini tergov qilishga, ma’lumot to‘plashga va ayblanuvchilarni aniqlashga katta ahamiyat berishini ta’kidladi.

“Biz ma’lumotlar bilan ishlayapmiz, turli davlatlardan kelayotgan va o‘zimizda mavjud turli ma’lumotlar o‘rtasida aloqa o‘rnatishga harakat qilmoqdamiz. Bu Ukraina bosh prokurori, Ukraina huquq-tartibot idoralari xodimlari, shuningdek, Xalqaro jinoiy sud uchun asosiy yordamimizdir”, — dedi u.

Eslatib o‘tamiz, Xalqaro jinoyat sudi va Ukraina Bosh prokuraturasi harbiy jinoyatlarga oid aniq jinoiy ishlarni tergov qilish uchun qo‘shma ishchi guruhlar tuzadi.