Yevro—2024 saralashi. Portugaliya raqib darvozasiga javobsiz 6 ta gol urdi, Ronaldudan dubl. Italiyada ham g‘alaba

Futbol bo‘yicha Yevro—2024 saralashining 2-turidan o‘rin olgan qator uchrashuvlar 26-mart, yakshanba kuni bo‘lib o‘tdi.

Portugaliya terma jamoasi Lyuksemburg maydonida mehmon bo‘ldi va yirik hisobdagi g‘alabani qo‘lga kiritdi. Portugallar safida Krishtianu Ronaldu dubl qayd etgan bo‘lsa, Joau Feliks, Bernardu Silva, Otavio va Rafael Leau bittadan golga muallif bo‘ldi.

Yana bir o‘yinda Italiya terma jamoasi Maltaga safar qildi. Mateo Retegi va Matteo Pessinaning gollari italyanlarga g‘alaba keltirdi.

Yevro—2024 saralashi

2-tur bahslari

26-mart, yakshanba

Lyuksemburg – Portugaliya 0:6

Gollar: 0:1 – 9 Ronaldu, 0:2 – 15 Joau Feliks, 0:3 – 18 Bernardu Silva, 0:4 – 31 Ronaldu, 0:5 – 77 Otavio, 0:6 – 88 Rafael Leau.

Lyuksemburg: Moris, Yans, Shano, Martins (Bonert, 46), Jerson (Karlson, 46), Pintu, Martins Pereyra (Till, 82), Barreyro, Sinani (Olesen, 46), Till (Borjes Sanshes, 70), Rodrigesh.

Portugaliya: Ruy Patrisiu, Diogu Dalot, Ruben Diash, Antoniu Silva, Danilu Pereyra, Mendesh, Brunu Fernandesh (Rafael Leau, 75), Palinya (Diogu Jota, 87), Bernardu Silva (Ruben Nevesh, 64), Joau Feliks (Otavio, 75), Ronaldu (Gonsalu Ramush, 65).

Ogohlantirishlar: Till (32), Martins (37), Ronaldu (57), Martins Pereyra (74), Barreyro (82).

Malta – Italiya 0:2

Gollar: 0:1 – 15 Retegi, 0:2 – 27 Pessina.

Malta: Bonello, Borg, Apap (Braun, 83), Attard (Muskat, 64), Korbalan, Giyomye, Yankam, Muskat (Teuma, 76), Mbong, Jons (Dimek, 76), Satariano (Nvoko, 64).

Italiya: Donnarumma, Di Lorenso (Darmian, 46), Romanyoli, Skalvini (Toloi, 83), Emerson, Kristante, Pessina, Tonali (Verratti, 67), Politano, Retegi (Skamakka, 66), Nionto (Grifo, 22).

Ogohlantirishlar: Di Lorenso (36), Skalvini (54).

Slovakiya – Bosniya va Gersegovina 2:0

Gollar: 1:0 – 13 Mak, 2:0 – 40 Garaslin.

Shimoliy Irlandiya – Finlyandiya 0:1

Gol: 0:1 – 28 Chellman.