O‘zbekiston Kubogi saralashidan muvaffaqiyatli o‘tgan ikki jamoa guruh bosqichiga yo‘l oldi

Futbol bo‘yicha O‘zbekiston Kubogi 2023-yilgi mavsumi guruh bosqichiga o‘tish o‘yinlari doirasidagi ikkita bahs 26-mart, yakshanba kuni bo‘lib o‘tdi.

Dastlabki o‘yin “Nurafshon” va “Jizzax” jamoalari o‘rtasida kechdi. Unda jizzaxliklar 5:2 hisobidagi g‘alabani qo‘lga kiritdi.

Yana bir bahs “Jayxun” hamda “Olimpiya” klublari ishtirokida o‘tdi. Mazkur bellashuvda “Olimpiya” Abdurahmon Abdullayevning dubli evaziga g‘alabani qo‘lga kiritdi.

Shu tariqa bu ikki klub O‘zbekiston Kubogining guruh bosqichi yo‘llanmasiga ega chiqdi.

“Jizzax” klubi A guruhidan joy oldi. Jamoa u yerda “OKMK”, “G‘ijduvon” va “Andijon-SGS” bilan o‘ynaydi. “Olimpiya” F guruhida “Andijon”, “Olimpik” va “Navbahor”ga qarshi bahs olib boradi.

Eslatib o‘tamiz, “Jizzax” saralashning dastlabki bosqichida “Yangiyo‘l” jamoasini mag‘lub etgan (2:0), “Olimpiya” esa “Qumqo‘rg‘on”dan ustun kelgandi (3:1).

O‘zbekiston Kubogi guruh bosqichining yakuniy ko‘rinishi quyidagicha ko‘rinish oldi:

O‘zbekiston Kubogi

Ikkinchi saralash bosqichi

26-mart, yakshanba

“Nurafshon” – “Jizzax” 2:5

Gollar: 0:1 – 8 Murodxo‘ja Jabborov, 0:2 – 10 Murodxo‘ja Jabborov, 0:3 – 19 Nodirbek Ibragimov, 0:4 – 30 Azizbek Malikov, 0:5 – 54 Muhammad Saidahmedov, 1:5 – 74 Sardor Sulaymonov, 2:5 – 81, penalti Sardor Sulaymonov.

“Jayxun” – “Olimpiya” 1:2

Gollar: 0:1 – 4 Abdurahmon Abdullayev, 1:1 – 31 Umid Karilov, 1:2 – 67 Abdurahmon Abdullayev.