Instagram: Dilnoza Kubayevaning maoshi qancha? Yulduz Usmonova xonadonidan reportaj, Hema Maliniga “aylangan” Maftuna Shokirova

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Xonanda Imron qizalog‘i bilan tushgan suratini sahifasiga joyladi.

Aktrisa Huvaydo Jumayeva hayotdagi orzulari amalga oshgan paytda ota-onasi vafot etgani haqida muxlislariga so‘zlab berdi. 

“Endi-endi ko‘zga ko‘rindim. Ota-onam shu kunlarni, rahmatlarni eshitsa bo‘lardi. Onam qachon uy olasan, deb yurardi. Endi uy oldim deganimda ota-onam bu olamni tark etdi. Dada, agar ko‘p ishlamasam oddiy san’atkor bo‘lib qolaman, derdim”, — deydi aktrisa.

Aktrisa Aysanem Yusupova opasi Shohsanam Yusupova bilan tushgan suratini folloverlariga taqdim etdi.

Xonanda Guli Asalxo‘jayeva ramazon oyi munosabati bilan yaqinlari bilan bezatgan uyini muxlislariga ko‘rsatdi.

Xonanda Zohirshoh Jo‘rayev muxlislarini ramazon oyi bilan tabriklab, samimiy tilaklarini bildirdi.

Kaniza litsenziyasini qaytarib olgani aks etgan suratni obunachilariga ko‘rsatdi.

Aktrisa Rayhon Ulasenova va mahoratli raqqosa Parizoda Dubay shahriga borgani aks etgan videoni sahifasiga joyladi.

Xonanda Dilso‘z obunachilarini juma ayyomi bilan tabrikladi.

O‘zbekiston xalq artisti Yulduz Usmonova qizlari va nevaralari uchun kechki taomni o‘choqda pishirib bergani aks etgan videoni obunachilariga taqdim etdi.

Sardor Mamadaliyev Venetsiyada tushgan suratini sahifasiga joyladi.

Xonanda Sayyora Qoziyeva hamkasbi Mavluda Asalxo‘jayeva bilan quda bo‘lish niyati bo‘lgani haqidagi gap-so‘zlarga oydinlik kiritdi. U shuningdek hozirda Mavluda Asalxo‘jayeva bilan munosabatlari yaxshi ekanini ham ta’kidladi.

Instabloger Dili.me endilikda rafiqasini urgan yoki unga yomon so‘z aytgan erkaklar jinoyatchi hisoblanishi haqidagi qarorga o‘z munosabatini bildirdi.

Aktrisa Maftuna Shokirova “Zita va Gita” filmidagi Hema Malini yaratgan mashhur sahnani ijro etdi.

Instabloger, vayner Liil Xurramov Dubayda tushgan suratini sahifasiga joyladi va inson biror narsaga erishishni chin dildan istasa, butun koinot uning orzusiga erishtirish payida bo‘lishini aytdi.

Aktrisa Dilnoza Kubayeva davlat tashkilotida ishlab 4 million so‘m oylik olishini, bundan tashqari qo‘shimcha tadbirlarda ishtirok etishini ham aytib berdi.

Bundan biroz vaqt oldin Luiza Rasulova va uning onasi bilan bog‘liq janjal haqidagi videolar ijtimoiy tarmoqlarda tarqalgan edi. U janjal sabab jarohat olib, kasalxonada yotgan onasini ko‘rishga borgani haqida muxlislariga gapirib berdi.

Xonanda Yulduz Turdiyeva ayni damda oila a‘zolari bilan Yevropa bo‘ylab sayohat qilmoqda. U Milan shahrida tushgan suratini muxlislariga ko‘rsatdi.

Xonanda Jaloliddin Ahmadaliyev turkcha qo‘shiq aytgani aks etgan videoni muxlislariga taqdim etdi.