Murat Yildirim mashhur kiyimlar brendining yuziga aylandi, Burak Deniz Parijdagi moda haftaligi doirasida o‘tkazilgan Maison Valentino moda ko‘rgazmasiga taklif qilindi, kechiktirilgan Netflix loyihalari qachon namoyish etilishi ma’lum bo‘ldi. “Yandeks Dzen” turk kino olami va aktyorlarning ijodiy faoliyati haqidagi yangi ma’lumotlarni taqdipm etdi.
“Kyubra” serialining aktyorlari tarkibi
Chig‘atoy Ulusoy bosh rolni ijro etayotgan, Netflix raqamli platformasining loyihasi bo‘lgan “Kyubra” serialining suratga olish jarayonlariga tayyorgarlik ishlari qizg‘in davom etmoqda.
OGM Pictures tomonidan imzolangan serial Afshin Kumaning xuddi shu nomdagi asariga asoslangan bo‘lib, uning kitoblari allaqachon Netflix’da ekranlashtirilgan. Serial yozuvchining “2017-yilning eng yaxshi romani” mukofotiga sazovor bo‘lgan “Issiq bosh” kitobiga moslashtirilgan. Hozirda uning asari inson va sun’iy intellektning o‘zaro ta’siri haqidagi yangi “Kyubra” loyihasi uchun asos qilib olingan.
Hozirda Bushra Develi serialdagi bosh rolni ijro etadigan aktrisa sifatida tasdiqlangan.
.jpg)
Turkiyaning eng yaxshi rejissorlaridan biri aka-uka Yag‘mur va Durul Taylan tomonidan suratga olinadigan 8 qismdan iborat serialda Chig‘atoy Ulusoyning singlisiga hayot baxsh etadigan aktrisa ma’lum bo‘ldi. Bu qahramonni yosh, iste’dodli aktrisa Ahsen Erog‘lu gavdalantiradi.
Hande Erchel yangi loyihada
Ayni damda Hakan Sabanji bilan munosabatlari kun tartibida bo‘lgan Hande Erchel yangi “Ichkaridagi begona /Ikki begona” loyihasida suratga tushmoqda. Handening bu loyihadagi partnyori Burak Deniz bo‘ladi.
Shuningdek, aktyorlar tarkibiga Jem Davran, Feridun Duzag‘och, Gulchin Xatixon ham qo‘shiladi. Aktrisa bosh qahramon Leylaning onasi rolini gavdalantiradi.
.jpg)
Jem Beveli yangi filmda suratga tushadi
Jem Beveli nafaqat xonandalik, balki aktyorlik bilan ham muxlislarning e’tiborini tortgan. Xonanda 6 ta loyihada ishtirok etgan. Endilikda u real voqeaga asoslangan “Bizning hayotimiz romantika” filmida suratga tushadi.
Filmda Jem Beveli Nihatning ( filmda bu obrazni Anil Altan rolini o‘ynaydi) akasi komissar Sadat rolini ijro etadi. Beveli filmda bosh qahramonni gavdalantirish bilan birga, loyihadagi musiqiy kompozitsiyalarni ham o‘zi ijro etadi.
Filmning suratga olish jarayonlari Chanaqqaleda bo‘lib o‘tadi, loyihada Nihat (Anil Altan) va Hayat (Asli Bekiro‘g‘lu) yonilg‘i quyish shoxobchasida jasad yonida politsiya tomonidan ushlanadi va bir-birini hech qachon tanimagan ikki kishi g‘ayrioddiy voqealarni boshidan kechiradi. Ularni politsiyachi Bra Nihata himoya qiladi.
Solih Bademjining yangi loyihasi
18 ta loyihada suratga tushgan Solih Bademji so‘nggi 2 yil ichida ekranda muvaffaqqiyatga erishib, to‘rtta: “Birinchi va oxirgi” raqamli loyihasi, “Yolg‘onchi" teleloyihasi, Netflix uchun suratga olingan “Tikuvchi” va “Klub” loyihalarida ishtirok etdi. Aktyor D kanali uchun suratga olinayotgan yangi “Tilaklar toshi” loyihasi bilan ekranlarga qaytadi.
“Tilaklar toshi” tomoshabinlarni o‘tgan asrning 80-yillariga qaytaradigan va o‘sha yillar panoramasi fonida kechayotgan muhabbat tarixini hikoya qiluvchi serial hisoblanadi. Kasting jarayonlari davom etmoqda va Solih Bademjiga partnyor qidirilmoqda. Hali vaqt bor, ijodkorlar kutilmagan voqea sodir bo‘lmasa, loyihani keyingi mavsumda, ya’ni sentabrda yoki oktabr oyining boshida namoyish qilishni rejalashtirmoqda.
Murat Yildirim reklama roliklarida suratga tushmoqda
“Razvedka” serialida bosh rolni o‘ynagan va butun dunyo bo‘ylab muxlislariga ega bo‘lgan Murat Yildirimga bu mavsumda foydali va qiziqarli reklama takliflari tushdi.
.jpg)
U mashhur erkaklar kiyimlari brendining yuziga aylandi. Murat Yildirim yaqin kunlarda Ispaniyaga safar qiladi va Mallorka plyajlarida brend uchun suratga olinadigan reklama roligida ishtirok etadi. Suratga olish jarayonida unga Ispaniyadan kelgan taniqli xorijlik modellar hamrohlik qiladi.
Bundan tashqari, Murat Yildirim maxsus taklifnomalar bilan ishtirok etadi va o‘zi yuzi bo‘lgan brendi bilan birga Dubay va Kuvaytda jurnal muqovalari uchun suratga tushadi.
Burak Deniz Parijda
Burak Deniz Parij moda haftaligi doirasida o‘tkazilgan Maison Valentino moda ko‘rgazmasiga taklif qilindi.
Parij moda haftaligi doirasida bo‘lib o‘tgan dunyoga mashhur moda va dizayn brendi Maison Valentino defilesida Burak Deniz yagona turk mehmon brendi sifatida ishtirok etdi. Shuningdek, u brendning bosh dizayneri Piyerpaolo Pichchiolining maxsus taklifiga binoan moda namoyishidan so‘ng tashkil etilgan kechki ovqatga ham tashrif buyurdi va ko‘plab jahonga mashhur moda jurnallari, xususan, Italiya va Fransiya matbuotining diqqat markazida bo‘ldi.
Kechiktirilgan Netflix premyeralari
Turkiyadagi zilzila sabab ijodkorlar nafaqat teleseriallarni suratga olish va efirga uzatishni to‘xtatib qo‘ydi, balki xalqaro Netflix platformasidagi turk loyihalari premyeralarini ham kechiktirdi.
Nejat Ishler ishtirokidagi “Yaxshi odamning 10 kuni” filmi 6 kunlik namoyishdan so‘ng dunyo bo‘yicha raqamli platformaning barcha ingliz tilida bo‘lmagan loyihalari orasida 6-o‘rinni egallab, 12 ta mamlakatda eng yaxshi loyihalar 10 taligiga kirdi. Film Turkiyada birinchi o‘rinni egallab, ko‘plab tomoshabinlarning e’tiborini tortdi va aniq sahnalari bilan ijtimoiy tarmoqlarda ko‘plab shov-shuvlarga sabab bo‘ldi.
Netflix’da fevral oyi oxirida chiqarilishi kerak bo‘lgan “Qayerga qochib ketamiz, ona?” seriali 24-martdan namoyish etiladi.
Izoh (0)