Instagram: Otasiga mashina sovg‘a qilgan Bunyodbek Saidov, Zohid Risqiyevdan yangi klip, milliy qo‘shiq kuylagan Lola 

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Aktrisa Gulchehra Eshonqulova singlisi bilan tushgan arxiv suratini muxlislariga ko‘rsatdi.

Xonanda Umidaxon ko‘p qavatli uyning 5-qavatida yashashi, 23-mart kuni tunda ro‘y bergan zilziladan juda qo‘rqib ketgani haqida muxlislariga gapirib berdi va ulardan o‘zlarini ehtiyot qilishlarini so‘radi.

Malik birinchi ustozi bilan tushgan suratini e’lon qildi. Ustozi bilan oxirgi marta ko‘rishganiga 15 yildan oshganini aytdi.

Asilbek Amanulloh qizlari bilan tushgan videosini sahifasiga joyladi.

Aktrisa Zuhra Soliyeva muxlislarini Ramazon oyi bilan tabrikladi.

Xonanda Lola turmush o‘rtog‘i va qizalog‘i Aisha bilan sayrga chiqqani aks etgan videoni obunachilariga ko‘rsatdi.

Shuningdek, Lola mashhur “Otmagay tong” nomli milliy taronani qayta ijro etdi va unga ishlangan videoklipni muxlislariga taqdim etdi.

Turk aktrisasi Hande Erchel yangi surati bilan ko‘rinish berdi.

Xonanda Bunyodbek Saidov otasiga mashina sovg‘a qildi. U otasining mashina haydab ko‘rgani aks etgan videoni muxlislari bilan bo‘lishdi.

Aktrisa Zarina Yo‘ldosheva Durdona Qurbonova bilan tushgan suratini e’lon qildi va ro‘za tutish haqidagi rivoyatni muxlislariga taqdim etdi.

Xalq ardog‘idagi aktrisa Saida Rametova Alsgeymer kasalligiga chalingan turmush o‘rtog‘ining ahvoli yaxshi ekanini aytdi va uni qo‘llab-quvvatlagan barcha muxlislariga minnatdorlik bildirdi.

Aktrisa Mashhura Zulfiqorova quvonchga to‘la yuz har doim chiroyli ko‘rinishga ega bo‘lishini aytdi.

Xonanda Rashid Xoliqov Dubaydagi muxlislari uchun konsert bergani aks etgan videoni sahifasiga joyladi.

Husnora Shodiyeva yangi suratini muxlislariga taqdim etdi va Alloh barcha imkonsiz ishlarni amalga oshirishini aytdi.

Ra’no Yarasheva Navro‘z bayramida yaqinlari bilan oilaviy dasturxon yozib, yig‘ilgani haqida muxlislariga gapirib berdi. 

Instabloger Liil Xurramov Dubayda tushgan suratini e’lon qildi.

Mudhish avtohalokat sabab ikki oydan ortiq komada yotgan Zohid Risqiyev ahvoli endi yaxshilanayotganiga qaramay muxlislariga ilk yangi taronasi va videoklipini taqdim etdi. Klipda bosh rollarni yosh aktrisa Rayhon Asadova “Million” kulgi jamoasi a‘zosi Sardor Zokirov ijro etgan. 

Aktrisa Durdona Qurbonova muxlislarini Ramazon oyi bilan tabriklab, tilaklarini bildirdi.