“Bolasini davolatishga hech bir ota-onaning qo‘li kaltalik qilmasin ekan” (video)

Qashqadaryolik Umida Hayitova “Mehridaryo” loyihasiga murojaat qilib, oqqon xastaligiga chalingan farzandini davolatish uchun xalqdan yordam so‘radi.

— To‘ng‘ich o‘g‘lim Iskandar Amonov ikki yildan buyon oqqon xastaligining neyroblastoma turi bo‘yicha davolanmoqda. Uning umurtqa, qorin sohasi va boshida o‘simtalar aniqlangan. Bir necha marta kimyoterapiya muolajasini oldi. Shifokorlar endi unga immunoterapiya muolajasini qo‘llash kerakligini aytishyapti. Buning uchun katta mablag‘ talab etilar ekan. Ammo uni davolatishga qo‘limiz kaltalik qilyapti. Turmush o‘rtog‘im kunlik ishlarga chiqib, ro‘zg‘orni tebratyapti. Men esa o‘g‘lim bilan bir yildan buyon Toshkentdagi Bolalar Milliy tibbiyot markazidamiz. Iskandar yurolmay, ovqat yemay qo‘ygandi. Allohga shukrki, kimyo muolajalaridan keyin ahvoli ancha yaxshilandi. Shifokorlarga, prezidentimizga ming rahmat. Ammo immunoterapiya O‘zbekistonda bo‘lmagani uchun uni xorijdan olib kelishimiz kerak ekan. 
Hech bir ota-onaning bolasi kasal bo‘lib, qo‘li kaltalik qilmasin ekan. Allohim barcha bemorlarga shifo bersin. Yaqinlashib kelayotgan Ramazon oyida barchamizning gunohlarimiz kechirilib, nimaiki orzu-istaklari bo‘lsa, amalga oshsin. Sizdan iltimos, agar imkoningiz bo‘lsa, o‘g‘limning sog‘ayib ketishi uchun qo‘lingizdan kelgancha yordam beringlar, — deydi bemorning onasi.

Amonov Iskandarga xayriya qilishni istasangiz,
8600 1404 9737 2731 
Xayitova Umida Toychi qizi

Murojaat uchun: +998 (95) 220 54 94