Superliganing 14-turidan o‘rin olgan bahsda “Navbahor” klubi o‘z maydonida Muborakning “Mashʼal” jamoasini qabul qildi. Mazkur o‘yinda namanganliklar raqibga hech qanday imkoniyat qoldirmadi va yirik – 6:0 hisobida g‘alaba qozondi.
Mezbonlar ushbu uchrashuv taqdirini o‘yinning 1-bo‘limida Alisher Odilov, Ruslanbek Jiyanov, Zabihillo O‘rinboyev va Abbos G‘ulomovning gollari evaziga deyarli hal qilib qo‘ygandi.
Sergey Lushan shogirdlari 2-bo‘limda ham hujumni susaytirmadi. Natijada Abbos G‘ulomov yana bir gol urib, ushbu o‘yinda dublga erishgan bo‘lsa, zaxiradan maydonga tushgan braziliyalik hujumchi Augusto Pedro uchrashuv yakunlanishiga sanoqli daqiqalar qolganida raqib darvozasiga to‘p kiritib, yakuniy hisobning 6:0 ko‘rinish olishini taʼminladi.
Qayd etilishicha, “Navbahor” olis 1995-yili muborakliklarni 8:0 hisobida mag‘lub etgan. Namanganliklarning mazkur o‘yinda erishgan natijasi yana bir shunday yirik hisobning takrorlanishi bo‘ldi.
Ushbu g‘alabadan so‘ng “Navbahor” ochkolari sonini 26 taga yetkazgan holda turnir jadvalida 3-o‘ringa ko‘tarildi.
“Daryo” “Navbahor” va “Mashʼal” o‘rtasidagi o‘yindan fotogalereya tayyorladi.
Fotolar muallifi: Oqilxon Mamajonov
Izoh (0)