“Mehridaryo” loyihasiga angrenlik Jumaxon G‘aniyeva murojaat qilib, nabirasining jarrohlik amaliyoti va dori-darmonlari uchun xalqdan yordam so‘radi.
— Endigina 27 yosh bo‘lgan nabiram Qahramon Jumaboyev surunkali buyrak yetishmovchiligi kasalligi bilan og‘riyapti. Otasi ancha yil avval vafot etgan, fevral oyida onasi ham uyquga ketib, qaytib uyg‘onmadi. Bu nabiram besh yil Rossiyada muhandislik sohasida o‘qib, endigina O‘zbekistonga qaytgandi. Shu kungacha salomatligidan shikoyat qilmagan, faqatgina 18 yoshida tibbiy ko‘rikdan o‘tganida siydik yo‘lida biroz muammo borligi haqida aytishgan edi. Bu tashxisga sovuqqonlik bilan qaraganimiz uchunmi, birdan buyragi og‘rib, u ko‘zlariga ham ta’sir etdi. Ko‘zlari ko‘rmay, komaga tushib, 5 kun o‘ziga kelmadi.
Shifokorlarning aytishicha, unga zudlik bilan buyrak ko‘chirish operatsiyasini o‘tkazish kerak. Akasi bir buyragini berishga tayyor. Ammo donorning buyragini olish pulli ekan va dori darmonlar uchun ham katta mablag‘ talab etilar ekan. Donorning operatsiyasi 29 million so‘mga qilinar ekan. Dori-darmonlari uchun 50 million va tekshiruvlar uchun 9 million so‘m mablag‘ kerak ekan. Bizda buncha pul yo‘q.
Iltimos, saxovatpesha insonlar nabiramni operatsiya qilishga yordam beringlar. Navqiron yigitning kundan kunga so‘lib borayotganini ko‘rib yuragim ezilyapti, — deydi bemorning buvisi Jumaxon G‘aniyeva.
Bemor Qahramon Jumaboyevga xayriya qilishni istasangiz,
9860 0101 2980 1089
Jumaboev Kakhramon
Murojaat uchun: +99893 6012697 (opasi Nigora Yo‘ldosheva)
Izoh (0)