Hatto o‘ziga ishonchi baland va dadil ko‘rinadigan mashhurlar ham omma oldiga chiqishdan oldin hayajonlanadi. Ammo ular bu holatni yengishga yordam beradigan o‘z usullariga ega. Ular muxlislar qarshisiga xotirjam chiqish imkonini beradi.
Zendaya: chuqur nafas olish va ichki xotirjamlik
Zendaya qizil yo‘lakdagi eng katta premyeralarda ham o‘zini yo‘qotmaydi. Biroq intervyulardan birida u shunday degan:
“Men atrofdagi muhitga juda ta’sirchanman, shuning uchun o‘zgalarning kayfiyati menga yuqishi oson”.
Ommaviy tadbirlardan oldin u hech bo‘lmaganda 10 daqiqa yolg‘iz qolishga harakat qiladi. Zendaya ko‘zlarini yumib, sekin va chuqur nafas oladi. Shu orqali o‘zini tinchlantiradi. Bu paytda u o‘ziga quyidagi iborani takrorlaydi:
“Sen xavfsiz joydasan”.
Shundan keyin hayajon kamayadi, ichki ishonch paydo bo‘ladi va o‘zini xotirjam his qiladi.
Garri Stayls: musiqa va tinchlantiruvchi buyumlar
Garri Stayls intervyularda shunday degan:
“Sahnaga hatto bir necha ming marta chiqqan bo‘lsam ham, har safar ichimda biroz hayajon bo‘ladi”.
Unga tinchlanishga yordam beradigan ikki narsa bor: musiqa va yaqin odamlarini eslatuvchi buyumlar. Garri sahnaga chiqishdan oldin maxsus tuzilgan pleylistni tinglaydi, bu musiqalar unga kuch va ishonch hissini beradi.
Shuningdek, u har doim yonida biror timsol, masalan, sevimli uzugi yoki zanjirini olib yuradi. Bu buyumlar unga uyi, bolalini eslatadi va o‘zini oddiy insondek his qilishiga yordam beradi.
Megan Markl: obrazga kirish odati
Aktrisalik faoliyati tufayli Megan Markl omma oldida o‘zini tutishni juda yaxshi biladi. Rasmiy tadbirlardan oldin u “rolga kirish” usulidan foydalanadi: u yurish-turishi, nigohi va yuz ifodasini avvaldan qirolichalarga xos tarzda o‘zgartiradi.
“Ba’zida o‘zingizga bo‘lgan ishonchni his qilish uchun, avval o‘zingni ishonchli ko‘rsatishing kerak bo‘ladi”, deydi u. Bu usul noodatiy tuyulsa-da, haqiqatan ishlaydi: tana harakati miyaga signal beradi va insonning o‘zi ham bunga ishonadi.
Izoh (0)