“Buyragimning biri olib tashlangan, ikkinchisi esa quriyapti” — farg‘onalik ayol jarrohlik amaliyoti uchun xalqdan yordam so‘ramoqda (video)

Fotimaxon O‘ktamova ikki farzandi bilan Farg‘ona viloyatida yashaydi. U bir necha yildan buyon buyrak yetishmovchiligi kasalligi bilan kurashadi. Ikki farzandning onasi bo‘lgan ayol moddiy imkoniyatini yaxshilash uchun ishlashga majbur. 

— Men Fotimaxon O‘ktamova, buyrak yetishmovchiligi tashxisini qo‘yishganiga 5 yil bo‘ldi. Haftada uch marta gemodializ muolajalariga borib, qonimni tozalab turishga majburman. Bitta buyragim bir necha yil avval olib tashlangan, ikkinchisi esa qurib, o‘z faoliyatini bajarmay qo‘ygan. 
Gemodializ ham bir og‘ir jarayon ekan. Insonni holsizlantirib, qon bosimini oshiradi yoki birdan tushirib yuboradi. Yaʼni buyrak yetishmovchiligi qo‘shimcha kasalliklarga ham sabab bo‘lar ekan. Ammo boshga tushgandan keyin inson har narsaga ko‘nikib qolar ekan. Haftada uch marta gemodializ olishga o‘rganib ham qolganman. Ammo bir-ikki marta muolaja paytida hushimdan ketib qoldim. Shundan keyin faqatgina buyrak ko‘chirib o‘tkazish orqali yaxshi natija olishim mumkinligini tushuntirishdi. 
Donor ham topdim. Ammo O‘zbekistonda begona inson aʼzosi boshqa bemorga ko‘chirib o‘tkazish mumkin emasligini aytishdi. Shu bois jarrohlik amaliyotini xorijda o‘tkazishga majburman. Ammo donor va operatsiya harajatlari uchun 10 000 AQSH dollari kerak ekan. 
Oilamiz oddiy ishchilar oilasi. Bu summani qoplashga moddiy imkoniyatimiz yo‘q. O‘zim ham ishlashga harakat qilaman. Ammo daromadim u qadar yuqori emas. Shu bois sahovatpesha insonlarning ko‘magiga muhtojman. Hayotga qaytishni juda istayman, — deydi farg‘onalik Fotimaxon O‘ktamova.

Bemor insonga moddiy ko‘mak berishni istasangiz,
8600061089176191
Uktamova Fotimakhon

Bog‘lanish uchun: 91) 6523941