Tozalashni osonlashtiring, idishlarni yaraqlating va taxtakachni noxush hiddan xalos qiling. Quyida oddiy tuzning biz bilmagan yana ko‘plab foydalari xususida layfxaklar keltirilgan.
Tilimlangan olmalarni qizarib ketishdan saqlang
Kesilgan olma tez qorayadi, chunki oksidlanish jarayoni ochiq havoda sodir bo‘ladi. Tuz esa uni sekinlashtiradi.
Bir litr sovuq suvga bir choy qoshiq tuzni aralashtiring va bu eritmani bo‘laklar ustidan quying. Ular bir necha daqiqa, ammo 10 daqiqadan oshmagan holda turishi kerak. Keyin sho‘r suvni to‘kib tashlang va olmani muzlatkichga qo‘ying. Iste’mol qilishdan oldin, sho‘r ta’m qolmasligi uchun ularni oddiy suv bilan yuvib tashlang. Bu maslahat kartoshka uchun ham ishlaydi.
Salqin ichimliklar
Bir shisha salqin ichimlikni tezda sovitish uchun uni muz va tuz bilan baland idishga soling. Idishning pastki qismiga muz qatlamini, yuqorisiga bir necha osh qoshiq tuz qo‘ying. Shishaning tepasiga yetguncha muz va tuzni almashtiring. Muzni qoplash uchun idishga suv quying. Ichimlik 10-12 daqiqada soviydi, chunki tuz jarayonni tezlashtiradi.
Taxtakachni tozalang
Yog‘och taxtakachni hidlardan xalos qilish uchun unga tuz seping va sirtini nam mato bilan sekin artib oling. Keyin iliq sovunli suv bilan yuvib tashlang.
Qo‘lingizdan sarimsoq va piyoz hidini ketkazing
Sarimsoq yoki piyozni to‘g‘rab bo‘lgach, qo‘llaringizga tuz va limon suvi aralashmasini surting, so‘ngra sovun va suv bilan yuving. Noxush hidning izi ham qolmaydi. Ammo esda tuting: agar terida tirnalgan joy bo‘lsa, u biroz achitishi mumkin.
Singan tuxumni osongina tozalang
Polda sinib to‘kilgan tuxum ustiga tuz seping va taxminan 20 daqiqaga qoldiring. Shundan so‘ng, uni har qanday sirtdan tozalab olish oson bo‘ladi.
Drenajda qoldiqlar tiqilib qolishining oldini olish
Drenajga yarim stakan tuz soling va ustidan bir litr issiq suv quying. Ta’sir kuchli bo‘lishi uchun yarim stakan soda qo‘shib yuboring. 15 daqiqaga qoldiring, keyin vodoprovod suvi bilan yuving. Buni haftada bir yoki ikki marta bajaring.
Shisha idishlaringizni qayta yaraqlating
Pasta hosil qilish uchun stakanning uchdan bir qismiga tuz va ikki osh qoshiq sirkani solib, aralashtiring. Agar vaza yoki katta idishni tozalamoqchi bo‘lsangiz, ingrediyentlarni ikki hissa oshiring. Aralashmani idishlarga surtib, 20 daqiqaga qoldiring. Keyin sirtni shimgich bilan ishqalang, suv bilan yuvib yuboring.
Choy yoki qahva ichiladigan piyola va stakanlardagi chirkdan xalos bo‘ling
Idishni namlang va qoraygan joylarni oz miqdorda tuz bilan ishqalang. Ichimlik izlari osongina yuviladi.
Mavzuga doir:
Izoh (0)