Toshkent shahrining Chilonzor hamda Yashnobod tumanlarida 15-mart kuni gaz taʼminoti vaqtincha to‘xtatiladi. Bu haqda “Hududgaz Poytaxt” gaz taʼminoti filiali axborot xizmati xabar berdi.
Xabarga ko‘ra, taʼmirlash ishlari sababli ertaga Chilonzor tumanining ayrim joylarida tabiiy gaz taʼminoti vaqtinchalik to‘xtatiladi. Chilonzor tumani Bunyodkor ko‘chasi, “Novza” metro bekati yonidagi, o‘rta bosimli yerosti d-89 mmli gaz quvurida va Chilonzor mavzesidagi “Metro market” binosi yonidan o‘tgan, o‘rta bosimli yerosti d-57 mmli gaz quvuridan gaz sizib chiqishi aniqlangan.
Holatni bartaraf qilish ishlari “Hududgaz Poytaxt” GTFning “Chilonzortumangaz” gaz taʼminoti bo‘limi tomonidan amalga oshirish rejalashtirilgan. Shu tufayli 15-mart kuni soat 10:00 dan 17:00 ga qadar quyidagi tabiiy gaz isteʼmolchilarida gaz taʼminoti vaqtinchalik to‘xtatiladi. Shundan aholi isteʼmolchilari:
- “Chilonzor” MFYdagi jami 1890 ta uy xo‘jaligi hamda ko‘p qavatli uylardagi aholi xonadonlarida;
- “Charx komolon” MFYdagi 894 ta uy xo‘jaligida;
- “2- Charx komolon” MFYda joylashgan ko‘p qavatli uylardagi jami 2240 aholi xonadonlarida;
- “3- Charx komolon” MFYda joylashgan ko‘p qavatli uylardagi jami 2460 aholi xonadonlarida;
- “Katta Chilonzor 1” MFYda (1-mavze) joylashgan ko‘p qavatli uylardagi jami 2180 aholi xonadonlarida;
- “Katta Chilonzor 2” MFYda (2-mavze) joylashgan ko‘p qavatli uylardagi jami 2284 aholi xonadonlarida;
- “Katta Chilonzor 3” MFYda (3-mavze) joylashgan ko‘p qavatli uylardagi jami 2470 aholi xonadonlarida;
- “Novza” MFYda (4-24-mavzelar) joylashgan ko‘p qavatli uylardagi jami 2880 aholi xonadonlarida;
- “Beshchinor” MFYda (5-mavze) joylashgan ko‘p qavatli uylardagi jami 2320 aholi xonadonlarida;
- “Dilobod”, “Xalqlar do‘stligi” MFYlarida (6-mavze) joylashgan ko‘p qavatli uylardagi jami 3220 ta aholi xonadonida;
- Chilonzor 5-mavzeda joylashgan 1-2-3-4-49-50 ko‘p qavatli uylardagi jami 504 ta aholi xonadonida.
Shuningdek, taʼmirlash ishlari sababli Yashnobod tumanining ayrim joylarida ham tabiiy gaz taʼminoti vaqtinchalik to‘xtatiladi. Yashnobod tumani “Bahor” MFY, hududidan o‘tgan o‘rta bosim d-219 mmli zulfunini taʼmirlash ishlari “Hududgaz Poytaxt” GTFning, “Yashnobodtumangaz” gaz taʼminoti bo‘limi tomonidan amalga oshirish rejalashtirilgan.
Shu sababli 15-mart kuni soat 10:00 dan 17:00 ga qadar tumanning “Bahor” MFYdagi jami 450 ta uy xo‘jaligida hamda hududdagi 3 ta ulgurji isteʼmolchilarida tabiiy gaz taʼminoti vaqtinchalik to‘xtatiladi.
Taʼmirlash ishlari yakunlangach, tabiiy gaz taʼminoti qayta tiklanadi. Yetkazilayotgan noqulayliklar uchun “Hududgaz Poytaxt” gaz taʼminoti filiali isteʼmolchilardan uzr so‘rgan.
Izoh (0)